فوتو: ۇكىمەتتىڭ ءباسپاسوز قىزمەتى
ايتا كەتەيىك, 6 ملرد 560 ملن تەڭگە كولەمىندەگى قاراجات قوستاناي قالاسىنداعى يندۋستريالىق ايماقتا KIA اۆتوكولىگىن وندىرەتىن زاۋىتقا كىرمە جولدارى مەن 3-ءشى ساناتتاعى تەمىرجولداردى سالۋعا باعىتتالادى. سالىنىپ جاتقان KIA اۆتوكولىك ءوندىرۋ زاۋىتى – ەڭ ءىرى اۆتوموبيل جوبالارىنىڭ ءبىرى. زاۋىتتىڭ جوبالىق قۋاتى جىلىنا شامامەن 70 مىڭ اۆتوكولىكتى قۇرايدى.
ينۆەستور 90 ملرد تەڭگە كولەمىندە قاراجات بولگەن. قازىرگى ۋاقىتتا قۇرىلىس-مونتاجداۋ جۇمىستارى مەن ينجەنەرلىك كوممۋنيكاتسيالار جۇرگىزۋگە 500-دەن استام ادام جۇمىلدىرىلعان. جوبا اياسىندا بارلىعى 1,5 مىڭ جۇمىس ورنىن اشۋ كوزدەلگەن.
«زاۋىت 2025 جىلدىڭ قازان ايىندا ىسكە قوسىلادى دەپ جوسپارلانىپ وتىر. كاسىپورىن ايماق پەن ەلىمىزدىڭ دامۋىنا ۇلكەن سەرپىن بەرەدى, سونداي-اق ءوندىرىستى لوكاليزاتسيالاۋ دەڭگەيىن ايتارلىقتاي ارتتىرادى. زاۋىت دانەكەرلەۋ, سىرلاۋ جانە كولىك قۇراستىرۋ سياقتى تولىق تسيكلدى نەگىزدە جۇمىس ىستەيدى», دەلىنگەن حابارلامادا.
ەستەرىڭىزگە سالا كەتەيىك, قازىرگى تاڭدا قوستاناي قالاسىنىڭ يندۋستريالىق ايماعى اۋماعىندا 5 جوبا ىسكە قوسىلعان. 9 جوبا بەلسەندى تۇردە پىسىقتالىپ جاتىر. وسىلايشا, يندۋستريالىق ايماق اۋماعىندا كولىك ينفراقۇرىلىمىن سالۋ بارلىق ىسكە اسىرىلىپ جاتقان جوبالاردىڭ ءتيىمدى جۇمىس ىستەۋى ءۇشىن قاجەتتى جاعداي جاسايدى. جاڭا كىرمە جولدار مەن تەمىرجولدار ۇزدىكسىز لوگيستيكانى قامتاماسىز ەتىپ, شيكىزات جەتكىزۋ ءىسىن جەدەلدەتەدى, سونداي-اق دايىن ءونىمدى ىشكى جانە سىرتقى نارىقتارعا تاسىمالداۋدى جەڭىلدەتەدى.
