فوتو: كرەمل ءباسپاسوز قىزمەتى
ءپۋتيننىڭ سوزىنشە, ۋكرايناداعى ازاماتتىق بيلىك زاڭسىز ورناعاندىقتان, ياعني زەلەنسكي لەگيتيمدى باسشى بولماعاندىقتان, ونىڭ قاراماعانداعى كۇللى قۇرىلىم دا زاڭ شەڭبەرىنەن تىس.
«شىنتۋايتىندا, بۇۇ, اقش, ەۋروپا ەلدەرىمەن, سونداي-اق ءبىزدىڭ سەرىكتەستەرىمىزبەن جانە دوستارىمىزبەن ۋكرايناعا ۋاقىتشا باسقارۋدى ەنگىزۋدى تالقىلاۋعا بولادى. بۇل ەلدە دەموكراتيالىق سايلاۋ وتكىزۋ ءۇشىن, بيلىككە قابىلەتتى جانە حالىقتىڭ سەنىمىنە يە ۇكىمەتتى اكەلۋ ءۇشىن, سودان كەيىن ولارمەن بەيبىتشىلىك شارتى تۋرالى كەلىسسوزدەر باستاۋ ءۇشىن قاجەت.
تەك قانا سونداي ۇكىمەتپەن بۇكىل الەمدە مويىندالاتىن زاڭدى قۇجاتتارعا قول قويۋعا بولادى. بۇل بۇۇ جۇيەسىندە بار تاجىريبە», دەدى پۋتين مۋرمانسكىدەگى «ارحانگەلسك» زىمىران سۋاستى كرەيسەرىنىڭ ەكيپاجىمەن كەزدەسۋ بارىسىندا.
«ۋكراينا كونستيتۋتسياسىنا سايكەس اتقارۋشى بيلىك وكىلدەرىن پرەزيدەنت تاعايىندايدى. ال ول قازىر قىزمەتىن زاڭسىز اتقارىپ وتىر. ەگەر پرەزيدەنتتىڭ ءوزى زاڭسىز بولسا, دەمەك قالعاندارى دا سونداي», دەدى ول ءسوزىن قۋاتتاپ.
سوعىس قيمىلدارى تۋرالى ايتا كەلىپ, پۋتين «بۇكىل مايدان شەبىندەگى ستراتەگيالىق جوسپار تولىعىمەن رەسەي قارۋلى كۇشتەرىنىڭ قولىندا» دەپ مالىمدەدى.
