فوتو: inbusiness.kz
وسىعان ساي قازاقستان مۇسىلماندارى ءدىني باسقارماسى 2025 جىلعى ءدىني مەرەكەلەر كەستەسىندە 26-ناۋرىزدان 27-سىنە قاراعان ءتۇندى قادىر ءتۇنى دەپ بەلگىلەگەن بولاتىن.
قادىر ءتۇنى - قازاقشا اتاۋى, اراب تىلىندە ليايلياتۋل-كادر نەمەسە ال-كادر دەپ تە ايتىلادى. قادىر ءتۇنى – بەرەكەلى رامازان ايىندا كەلەتىن قاسيەتتى ءتۇن. رامازان ايىنىڭ سوڭعى ون ءتۇنى مۇسىلمان ءۇشىن وتە ماڭىزدى. سەبەبى قادىر تۇنىندە قاسيەتتى قۇران كارىم تۇسە باستادى. سوندىقتان يسلام دىنىندە بۇل ءتۇن ەرەكشە باعالانادى. قۇران كارىمدە «قادىر» سۇرەسى بار. وسىنىڭ ءوزى-اق بۇل ءتۇننىڭ اسا ارداقتى ەكەنىنەن حابار بەرەدى.
مۇسىلمان قاۋىمى بۇل قاسيەتتى ءتۇننىڭ قازىناسىنان قۇر قالماۋعا تىرىسادى. وسى ءتۇنى ءتاندى تولىق تازارتىپ, قۇلشىلىقتاردى كوبەيتىپ, قۇراندى كوبىرەك وقىپ, دۇعا-تىلەكتەر جاساۋ ابزال بولماق.
قمدب رامازان ايىنىڭ سوڭعى ون كۇنىندە جانە قادىر تۇنىندە مىنا دۇعانى وقۋدى مىسال ەتەدى: «ايشا انامىز پايعامبارىمىزدان (وعان اللانىڭ سالاۋاتى مەن سالەمى بولسىن): «ۋا, اللانىڭ ەلشىسى! ەگەر مەن قادىر ءتۇنىنىڭ باستالعانى تۋرالى بىلسەم نە ايتۋىم كەرەك», دەپ سۇرايدى. سوندا پايعامبار: «ۋا, اللا! راسىندا, سەن – كەشىرىمدىسىڭ, كەشىرۋدى جاقسى كورەسىڭ. مەنى كەشىرە گور», دەپ ايت دەپ ۇيرەتەدى. وقىلۋى: ء«اللاھۋمما ينناكا افۋن, تۋحيببۋل-افۋا فافۋ-انني».
ءدىن وكىلدەرى وسى ءتۇنى جاراتۋشىعا (س.ع.س.) بار ىقىلاسىمەن سىيىنعان پەندە عۇمىر بويى قۇلشىلىق ەتكەن بولىپ سانالاتىنىن ايتادى.
قادىر ءتۇنىن ۇيدە نەمەسە مەشىتتە وتكىزەدى. ءتۇندى جالعىز دا, جاماعاتپەن دە قارسى الۋعا بولادى.
بۇل ءتۇنى جامان ادەتتەردەن تىيىلۋ كەرەك. عايبات, بوس اڭگىمەدەن بويدى الىس ۇستاپ, قاسيەتتى ءتۇندى فيلمدەر مەن ويىن-ساۋىق حابارلارىن تاماشالاپ وتكىزبەگەن ءجون.
