فوتو: zhaikpress.kz
ەلىمىزدىڭ 17 وڭىرىندە ىسكە قوسىلعان جوبا جەرگىلىكتى بيۋدجەت ەسەبىنەن قارجىلاندىرىلادى. باستاما مەكتەپتىڭ ءبىلىم بەرۋ جۇيەسىنىڭ پراكتيكالىق باعىتىن كۇشەيتۋگە جانە جاستاردىڭ جۇمىسقا ەرتە ورنالاسۋىنا مۇمكىندىك جاساۋدى كوزدەيدى.
«كاسىپتىك دايارلىق كوللەدجدەر بازاسىندا, ال جالپى ءبىلىم بەرۋ پاندەرىن مەڭگەرۋ مەكتەپتە باستالادى. 11-سىنىپتى بىتىرگەننەن كەيىن وقۋشىلار اتتەستات قانا ەمەس, ورتا تەحنيكالىق ءبىلىم تۋرالى ديپلومىن دا الادى», دەيدى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى اسەت مۇحانبەتوۆ.
پيلوتتىق جوباعا 150-گە جۋىق كوللەدج جانە مەكتەپ قاتىسۋدا. جوعارى سىنىپ وقۋشىلارى ەڭبەك نارىعى ءۇشىن قاجەتتى باعىتتار بويىنشا ءبىلىم الادى, ونىڭ ىشىندە تاماقتانۋدى ۇيىمداستىرۋ, اۆتوكولىككە تەحنيكالىق قىزمەت كورسەتۋ جانە جوندەۋ, تىگىن ءوندىرىسى جانە كيىمدى مودەلدەۋ, كيىم ديزاينى, گرافيكالىق جانە مۋلتيمەديالىق ديزاين, دانەكەرلەۋ ءىسى, جيھاز ءوندىرىسى, شاشتاراز قىزمەتى قامتىلعان.
بۇگىنگى تاڭدا جوباعا 2 مىڭعا جۋىق وقۋشى قاتىسىپ جاتىر. بيىل 905 تۇلەك كاسىبي بىلىكتىلىكپەن قاتار ەڭبەك نارىعىنا بىردەن شىعۋعا مۇمكىندىك بەرەتىن كوللەدج ديپلومىن دا قوسا الادى.
جوبا تەحنيكالىق جانە كاسىپتىك ءبىلىم بەرۋ جۇيەسىن ترانسفورماتسيالاۋعا, ەكونوميكانىڭ ناقتى سەكتورىنىڭ قاجەتتىلىكتەرىنە باعدارلانعان باسەكەگە قابىلەتتى ادامي كاپيتالدى قالىپتاستىرۋعا ارنالعان مەملەكەتتىك ستراتەگيالىق باعىت شەڭبەرىندە ىسكە اسىرىلادى.
