ماماندار وبلىستىڭ سۋ تاسقىنى جاعدايىنا تولىق دايىندىق جاسالعانىن ايتىپ وتىر. تاۋەكەل توبىنداعى 92-دەن استام ەلدى مەكەن قامتىلدى. 46 شاقىرىم بىلىك سالىنىپ, 168 جاڭا سۋ وتكىزگىش قۇبىر, 20 كم نوسەر كارىزى تارتىلدى, 27 گتق جوندەلىپ, 50 بىرلىك جوعارى ءوتىمدى تەحنيكا ساتىپ الىندى.
قار شىعارۋ جۇمىستارى قارقىندى جۇرگىزىلىپ جاتىر, بۇل تۇرعىن ۇيلەردى سۋ باسۋدان ساقتاپ قالۋ ماقساتىندا جاسالعان بىردەن-ءبىر ماڭىزدى شارا.
ماتەريالدىق-تەحنيكالىق قۇرالدار ساتىپ الىنىپ, حالىق پەن مالدى ەۆاكۋاتسيالاۋ ورىندارى ازىرلەندى, شاعىن وزەندەردىڭ ارنالارىن تازارتۋ جۇمىستارى جۇرگىزىلىپ, نەعۇرلىم وسال جەرلەردە وزەن جاعالاۋلارى نىعايتىلدى, قاجەت بولعان جاعدايدا قورعانىس قۇرىلىستارىن شۇعىل تۇرعىزۋ ءۇشىن ينەرتتى ماتەريالدار ازىرلەندى.
سۋ تاسقىنىن جويۋ ءۇشىن شامامەن 3 مىڭ ادامنان تۇراتىن توپ قۇرىلىپ, شامامەن 400 بىرلىك تەحنيكا, 120 بىرلىكتەن استام ءجۇزۋ قۇرالى جانە 330-دان استام موتوپومپا جۇمىلدىرىلدى.
