ماۋلەن اشىمباەۆ ءوز سوزىندە ازىق-ت ۇلىكتىڭ تاپشىلىعى مەن اشتىق قازىرگى تاڭدا جاھاندىق كۇن تارتىبىندەگى ەڭ وزەكتى ماسەلەلەردىڭ ءبىرى ەكەنىن ايتتى. بىرىككەن ۇلتتار ۇيىمىنىڭ مالىمەتتەرىنە سايكەس الەمدە 340 ميلليوننان اسا ادام ازىق-ت ۇلىكتىڭ جەتىستپەۋىنەن زارداپ شەگىپ وتىر. ال 2 ميلليونعا جۋىق ادام اشتىقتىڭ الدىندا تۇر.
وسى رەتتە قازىرگىدەي گەوساياسي شيەلەنىس جانە ەكولوگيالىق قاتەرلەر جاعدايىندا قازاقستاننىڭ باستاماسىمەن قۇرىلعان ازىق-ت ۇلىك قاۋىپسىزدىگى جونىندەگى يسلام ۇيىمىنىڭ قىزمەتى ەرەكشە ماڭىزعا يە بولىپ وتىر.
«پرەزيدەنت قاسىم-جومارت توقاەۆ ازىق-ت ۇلىك قاۋىپسىزدىگىن قامتاماسىز ەتۋ قازاقستاننىڭ الدىندا تۇرعان ستراتەگيالىق مىندەتتەردىڭ ءبىرى ەكەنىن ايتتى. بۇل باعىتتا ازىق-ت ۇلىك قاۋىپسىزدىگى جونىندەگى يسلام ۇيىمى جاھاندىق ازىق-ت ۇلىك ماسەلەلەرىن شەشۋ جولىندا ماڭىزدى ءرول اتقارادى. ءبىز ۇيىمنىڭ گۋمانيتارلىق داعدارىسقا ۇشىراعان ەلدەرگە, ونىڭ ىشىندە اۋعانستان تۇرعىندارىنا كومەك كورسەتۋ جونىندەگى باستامالارىن جوعارى باعالايمىز», دەدى م.اشىمباەۆ.
كەزدەسۋ بارىسىندا مەملەكەت باسشىسىنىڭ تاپسىرماسىمەن قازاقستاندا اۋىل شارۋاشىلىعى سالاسىن مەملەكەتتىك قولداۋ جانە حالىقتى قولجەتىمدى ءارى ساپالى ازىق-ت ۇلىكپەن قامتاماسىز ەتۋ باعىتىندا جۇيەلى شارالار قابىلدانىپ جاتقانى ايتىلدى. سونىڭ اياسىندا سەنات دەپۋتاتتارى ەلىمىزدىڭ ازىق-ت ۇلىك تاۋەلسىزدىگىن نىعايتۋ ماسەلەسىن باستى نازارىندا ۇستاپ كەلەدى.
سونىمەن قاتار تاراپتار ورتالىق ازيا ەلدەرىنىڭ اگروكليماتتىق جاعدايى, ەكولوگيالىق پروبلەمالارى جانە ەكونوميكالىق بايلانىستارى ۇقساس ەكەنىنە نازار اۋدارىپ, ورتاق تاسىلدەردى ازىرلەۋ ءۇشىن ايماقتاعى ىنتىماقتاستىقتى ارتتىرۋ تەتىكتەرىن تالقىلادى.
سونداي-اق سەنات توراعاسى باحرەيندە ۇيىمداستىرىلعان حالىقارالىق كونفەرەنتسيا اياسىندا ءدىني ليدەرلەرمەن بولعان كەزدەسۋلەردىڭ قورىتىندىلارىنا نازار اۋداردى جانە بەرىك ارىندى 2025 جىلعى 17-18 قىركۇيەكتە استانادا وتەتىن «دىندەر ديالوگى: بولاشاق جولىنداعى سينەرگيا» اتتى الەمدىك جانە ءداستۇرلى دىندەر ليدەرلەرىنىڭ VIII سەزىنە قاتىسۋعا شاقىردى.
