سۋرەتتى تۇسىرگەن – ۆالەري بۋگاەۆ
ەرتىس – بايان وڭىرىندەگى شاعىن جانە ورتا كاسىپكەرلىك سانى 2024 جىلى 3,2%-عا وسكەن. ولاردىڭ نەگىزگى بولىگى كوتەرمە جانە بولشەك ساۋدادا (24 262 بىرلىك), اۋىل شارۋاشىلىعى, ورمان جانە بالىق شارۋاشىلىعىندا (7 666), كولىك جانە قويمالاۋ (4 957), قۇرىلىستا (3 962) شوعىرلانعان.
«پاۆلودار وبلىسى بويىنشا مەملەكەتتىك كىرىستەر دەپارتامەنتىنىڭ اقپاراتىنا سايكەس, 2024 جىلى كاسىپكەرلىك سۋبەكتىلەرىنەن بيۋدجەتكە 672,8 ملرد تەڭگە تۇسكەن. كاسىپكەرلىك نىساندارىنىڭ كوبەيۋىنە وڭىردە جۇزەگە اسىپ جاتقان مەملەكەتتىك قولداۋ باعدارلامالارىنىڭ سەپتىگى مول. ءبىزدىڭ باسقارما كاسىپكەرلىكتى قولداۋدىڭ, ونىڭ ىشىندە پايىزدىق مولشەرلەمەنى سۋبسيديالاۋ (قارىز الۋشى ءۇشىن تۇپكىلىكتى مولشەرلەمە 8-10%) جانە نەسيەلەرگە كەپىلدىك بەرۋ (كرەديت سوماسىنىڭ 50-85%-ى) بويىنشا قارجى قۇرالدارىنىڭ وڭىرلىك ۇيلەستىرۋشىسى قىزمەتىن اتقارادى», دەيدى وڭىرلىك كاسىپكەرلىك جانە يندۋستريالىق-يننوۆاتسيالىق دامۋ باسقارماسى باسشىسىنىڭ ورىنباسارى دارحان ەرماعامبەتوۆ.
كاسىپكەرلەردى قولداۋ ءىس-شارالارى «دامۋ» كاسىپكەرلىكتى دامىتۋ قورى» ارقىلى, قارجىلاندىرۋ ەكىنشى دەڭگەيدەگى بانكتەر كومەگىمەن جۇزەگە اسىرىلعان.
وڭىردە الەۋمەتتىك كاسىپكەرلىك سۋبەكتىلەرى ءۇشىن مەملەكەتتىك گرانت بەرۋ تۇرىندە مەملەكەتتىك قولداۋ دا كەڭ تارالعان. 5 ملن تەڭگەگە دەيىنگى گرانتتى الۋ ءۇشىن ۇمىتكەرلەر kezekte.kz سايتى ارقىلى قۇجات جولدايدى. كونكۋرسقا قاتىسۋشىلاردىڭ دەنى – ء«بىر اۋىل – ءبىر ءونىم» باعدارلاماسىنىڭ فيناليستەرى مەن الەۋمەتتىك كاسىپكەرلىك سۋبەكتىلەرى.
«اۋىل اماناتى» جوباسى شەڭبەرىندە دە كاسىپكەرلەر ءۇشىن شاعىن نەسيەلەر بەرىلىپ كەلەدى. نەسيەنىڭ ەڭ ۇزاق مەرزىمى – 5 جىلعا دەيىن, مال شارۋاشىلىعى سالاسىنداعى جوبالار ءۇشىن 7 جىلعا دەيىن ۇزارتىلعان. ەڭ كوپ سوماسى – 2 500 اەك. اۋىل شارۋاشىلىعى كووپەراتيۆتەرىن دامىتۋ ءۇشىن 8 000 اەك-كە دەيىن راسىمدەۋگە بولادى. 400 اەك-كە دەيىنگى گرانتتار جانە جاستارعا 2,5%-بەن نەسيە بەرۋگە قاتىستى باعدارلامالار دا ءوز كەزەگىمەن ءجۇرىپ جاتىر», دەدى باسقارما وكىلى.
ەرتىس – بايان وڭىرىندە رەسەيلىك كومپانيالارمەن بىرلەسكەن 860-تان استام كاسىپورىن جۇمىس ىستەيدى. ولار نەگىزىنەن ماشينا جاساۋ, مەتاللۋرگيا, حيميا, تاماق ونەركاسىبى جانە ساۋدا-ساتتىق سالالارىندا تىركەلگەن («Railways Systems KZ», «ۆەكتور پاۆلودار», «Rossdorcom KZ» جانە «Kazcenospheres»). رەسەيلىك كومپانيالار وزدەرىنىڭ ساۋدا ورتالىعى, فيليالى مەن وكىلدىكتەرىن پاۆلودار, ەكىباستۇز, اقسۋ قالالارىندا اشقان.
پاۆلودار وبلىسى
