جاسوسپىرىمدەردىڭ ءوز-وزىنە قول سالۋىنا وتباسىلىق ماسەلەلەر, مەكتەپتەگى قيىندىقتار, پسيحولوگيالىق ماسەلەلەر, الەۋمەتتىك قىسىم, جەكە پروبلەمالار مەن وقيعالار تۇرتكى بولۋى مۇمكىن.
وسى ورايدا پسيحولوگ, وتباسىلىق پسيحودياگنوستيكا جانە پسيحوكوررەكتسيا مامانى ايىمگۇل ەرلانقىزىمەن قوعامنىڭ قورقىنىشىنا اينالعان جاسوسپىرىمدەر اراسىنداعى سۋيتسيدكە بايلانىستى, بۇل وقيعانىڭ سەبەپتەرى مەن الدىن-الۋ شارالارى بويىنشا وي وربىتتىك.
پسيحولوگ ماماننىڭ پايىمداۋىنشا, جاسوسپىرىمدەر اراسىندا سۋيتسيد وقيعالارىنىڭ جيiلەۋiنە كوبىنەسە قارجى ماسەلەسى, پسيحيكالىق اۋرۋلار, قورشاعان ادامدارمەن تۇسىنىسپەۋشىلىك وتباسىلىق جانە قوعامدىق تاربيەنiڭ جوقتىعى,زورلىق-زومبىلىق, ەسiرتكi قولدانۋ, ءارتۇرلى كومپيۋتەرلىك ويىندار, اتىس-شابىس, قانتوگىسكە تولى فيلمدەردىڭ تىكەلەي اسەرى بار دەيدى.
«جاسوسپىرىمدەر اراسىندا سۋيتسيدكە اكەلەتىن نەگىزگى سەبەپتەر ءارتۇرلى بولۋى مۇمكىن. مىسالى, بەلگىلى پسيحيكالىق اۋىتقۋلار, سوزىلمالى-دەپرەسسيۆتى كۇي, وتباسىنداعى شەشىلمەگەن كيكىلجىڭدەر, دوستاردىڭ اراسىنداعى تۇسىنىسپەۋشىلىك, نەمەسە ءساتسىز اياقتالعان ماحاببات, ەرتە جۇكتىلىك, ەسىرتكى زاتتارىن قولدانۋ دەگەن سياقتى ماسەلەلەر جاسوسپىرىمدەر اراسىندا سۋيتسيدكە اكەلۋى مۇمكىن. سۋيتسيد - دەمونستروتيۆتى نەمەسە شىنايى بولۋى مۇمكىن. دەمونستراتيۆتى ءسۋيتسيدتى جەتكىنشەكتەر وزدەرىنە كوڭىل اۋدارتۋ ءۇشىن جاسايدى», دەيدى پسيحولوگ, وتباسىلىق پسيحودياگنوستيكا جانە پسيحوكوررەكتسيا مامانى ايىمگۇل ەرلانقىزى.
الەۋمەتتىك جەلىلەردە بۋللينگتىڭ الدىن الۋ ءۇشىن, الەۋمەتتىك جەلىلەردى باقىلاپ وتىرۋ قاجەت. الەۋمەتتىك جەلىلەر ارقىلى سۋيتسيد تۋرالى اقپاراتتاردى تاراتۋعا قارسى شارالار قابىلداۋ ماڭىزدى.
«الەۋمەتتىك جەلىلەر مەن عالامتوردىڭ ءجاسوسپىرىمنىڭ پسيحولوگياسىنا اسەرى وڭ جانە تەرىس بولۋى مۇمكىن. وڭ اسەرىن ايتاتىن بولساق, جاسوسپىرىمدەر الەۋمەتتىك جەلى ارقىلى قارىم-قاتىناس قاجەتتىگىن قاناعاتتاندىرا الادى, قوعامدىق-الەۋمەتتىك تاجىريبەنى جاقسى مەڭگەرەدى, ۆيرتۋالدى قارىم-قاتىناس داعدىلارىن جاقسارتادى. تەرىس اسەرىنە كەلەر بولساق, جاسوسپىرىمدەر كيبەربۋللينگقا ۇشىراۋى مۇمكىن, نەمەسە بەلگىلى ءبىر مىنەز-ق ۇلىقتىڭ پايدا بولۋ مۇمكىن. سونىمەن قاتار ولار وزدەرىنە كەرەك ەمەس نەمەسە وزدەرىنىڭ پسيحيكالىق جاي-كۇيى جايلى دۇرىس ەمەس اقپاراتتاردى الىپ وزدەرىنە زيان تيگىزۋى مۇمكىن» دەيدى مامان.
ونىڭ ايتۋىنشا, مەكتەپتەردە كاسىبي پسيحولوگتار مەن الەۋمەتتىك قىزمەتكەرلەر جۇمىس ىستەۋى ءتيىس. ولار وقۋشىلاردىڭ ەموتسيونالدىق جاعدايىن باقىلاپ, قيىندىقتارى تۋرالى حاباردار بولۋعا كومەكتەسەدى. سونداي-اق, بالالارعا سۋيتسيد تۋرالى دۇرىس اقپارات بەرۋ جانە پسيحولوگيالىق كومەك كورسەتۋ كۋرستارىن ۇيىمداستىرۋ وتە ماڭىزدى.
«بالاعا ءۇش تاراپتان دا كەشەندى كومەك كورسەتىلۋى ءتيىس. ەڭ ءبىرىنشى كەزەكتە اتا-انا, ەكىنشى پەداگوگيكالىق ورتا, ياعني بالانىڭ وقۋ ورنىنداعى ماماندار. ۇشىنشىدەن بالانىڭ مەكەن-جايى بويىنشا تىركەلگەن مەديتسينالىق ورتالىعىنداعى ماماندار. وسى ءۇش تاراپتان دا بىردەي كومەك كورسەتىلۋى كەرەك. اتا-انا ارقاشان بالانىڭ كوڭىل-كۇيىن, بولىپ جاتقان وزگەرىستەردى بايقاپ ارقاشان بالامەن بايلانىستا بولىپ, بالاعا قاجەت كوڭىل ءبولۋ كەرەك. سونىمەن قاتار مەكتەپتە ءومىر قۇندىلىقتارىنا بايلانىستى ترەنينگتەر, لەكتسيالار وتكىزۋ وتە ماڭىزدى. ال, مەديتسينالىق مەكەمەنىڭ تاراپىنان مەديتسينالىق تەكسەرىستەر, ياعني, ءار جىل سايىن مەديتسينالىق تەكسەرىستەن وتكەن كەزدە جاسوسىپىرىمدەردىڭ تولىقتاي پسيحيكالىق كۇيى تەكسەرىستەن ءوتۋ كەرەك. نەعۇرلىم ەرتە جاسالعان دۇنيەنىڭ بارلىعى ءجاسوسپىرىمنىڭ ءوز-وزىنە قول سالۋىنىڭ الدىن الۋى مۇمكىن», دەيدى ايىمگۇل ەرلانقىزى.
بۇلدىرشىندەردىڭ ءومىرىن ساقتاپ قالۋدا قوعامنىڭ دا ءرولى ايرىقشا. مۇنداي جاعدايدىڭ الدىن الۋ ءۇشىن قوعام ەڭ ءبىرىنشى كەزەكتە دياگنوستيكا جۇرگىزە الۋ كەرەك دەيدى مامان.
«اتا-انا بولسىن, مەكتەپ قىزمەتكەرلەرى بولسىن بالانىڭ سوزىندەگى نەمەسە كوڭىل-كۇيىندەگى وزگەرىستەردى ۋاقىتىلى بايقاپ, سول بەلگىگە نازار اۋدارۋى ءتيىس. سونداي-اق بالامەن ءار ۋاقىتتا تىعىز قارىم-قاتىناستا اتا-انا بولعاننان كەيىن پسيحولوگتار اتا-انامەن دە جۇمىس جۇرگىزۋى ءتيىس. پەداگوگ ماماندارى دا بالانىڭ بويىندا وزگەرىستەر پايدا بولعان كەزەد نە ىستەۋ كەرەك ەكەنىن بىلمەي قالاتىن جاعدايلار دا كەزدەسۋى مۇمكىن. سول سەبەپتى, مەكتەپ قىزمەتكەرلەرىمەن دە اعارتۋشىلىق جۇمىس جۇرگىزۋ ماڭىزدى», دەدى پسيحولوگ.
ءسۋيتسيدتىڭ الدىن الۋ – بۇل تەك كاسىبي مامانداردىڭ عانا ەمەس, اتا-انالاردىڭ, مەكتەپتەر مەن قوعامنىڭ دا بىرلەسكەن كۇش-جىگەرىن تالاپ ەتەدى. ول تەك ءبىر ادامنىڭ نەمەسە وتباسىنىڭ ماسەلەسى ەمەس, بۇل بۇكىل قوعامنىڭ جاۋاپكەرشىلىگىن تالاپ ەتەتىن جاعداي. ءسۋيتسيدتىڭ الدىن الۋ ءۇشىن اتا-انالار, مەكتەپ, قوعام جانە مەملەكەتتە ات سالىسۋ قاجەت.
قوعامداعى ەڭ قىمبات قازىنا – ادام. ادام ءومىرىن ساقتاۋ جانە ونى قورعاۋ مەمەلەكەتتىڭ الەۋمەتتىك ساياساتىنىڭ باسىم باعىتتارىنىڭ ءبىرى. وسى ماقساتتا سۋيتسيد ماسەلەسىن قوعامدا, اسىرەسە جەتكىنشەكتەر اراسىندا بولدىرماۋعا بارىنشا كۇش سالۋىمىز كەرەك.
