باسقوسۋعا پرەزيدەنت اكىمشىلىگىنىڭ, مادەنيەت جانە اقپارات, عىلىم جانە جوعارى ءبىلىم, وقۋ-اعارتۋ, ۇلتتىق ەكونوميكا, تۋريزم جانە سپورت, سىرتقى ىستەر, ادىلەت مينيسترلىكتەرىنىڭ جانە پرەزيدەنت جانىنداعى ورتالىق كوممۋنيكاتسيالار قىزمەتىنىڭ باسشىلارى مەن جاۋاپتى قىزمەتكەرلەرى قاتىستى.
ەرلان قارين مەملەكەت باسشىسى ءوز سوزىندە ءمانى زور گۋمانيتارلىق, الەۋمەتتىك-ەكونوميكالىق, ينفراقۇرىلىمدىق جوبالار تۋرالى ايتقانىن جانە باسقا دا زاڭنامالىق سيپاتتاعى بىرقاتار ماڭىزدى تاپسىرما بەرگەنىن اتاپ ءوتتى.
مەملەكەتتىك كەڭەسشى جاۋاپتى ورگاندارعا پرەزيدەنتتىڭ باستامالارى مەن تاپسىرمالارىن جۇزەگە اسىرۋعا قاتىستى ناقتى قۇرىلىمى بار ءىس-شارالار جوسپارىن مۇقيات پىسىقتاپ, ازىرلەۋ تۋرالى تاپسىرما بەردى. سونداي-اق ول ۇلتتىق قۇرىلتايدىڭ IV وتىرىسىنىڭ جۇمىس سەكتسيالارى مەن پلەنارلىق بولىگىندە قۇرىلتاي مۇشەلەرى بەرگەن ۇسىنىستاردى ىسكە اسىرۋعا قاتىستى بولەك جوسپار ازىرلەۋدى تاپسىردى.
ەرلان قارين پرەزيدەنت باستامالارىن جۇزەگە اسىرۋ تۋرالى ايتا كەلىپ, الداعى ۋاقىتتا اتقارىلاتىن بىرلەسكەن جۇمىسقا بارلىق مۇددەلى مەملەكەتتىك ورگاندار, قۇرىلتاي مۇشەلەرى, دەپۋتاتتار مەن ساراپشىلار بەلسەنە اتسالىسۋى قاجەت ەكەنىن ەرەكشە اتاپ ءوتتى. مەملەكەتتىك كەڭەسشىنىڭ پايىمداۋىنشا, پرەزيدەنت ۇسىنعان ءمانى زور جوبالار مەن باستامالاردى قوعام اراسىندا جانە اقپارات كەڭىستىگىندە ءتۇسىندىرۋ وتە ماڭىزدى.
مەملەكەتتىك كەڭەسشى جيىندى قورىتىندىلاپ, ۇلتتىق قۇرىلتايدىڭ IV وتىرىسىندا پرەزيدەنت ايتقان مىندەتتەردى ساپالى ورىنداۋ قاجەت ەكەنىنە باسا نازار اۋداردى.
