شاراعا ەلوردانىڭ №14 مەكتەپ-گيمنازياسىنىڭ باستاۋىش سىنىپ وقۋشىلارى قاتىسىپ, ولار كىتاپحاناشىلار دايىنداعان «سەن سالت-ءداستۇردى بىلەسىڭ بە؟» اتتى تانىمدىق سۇراق-جاۋاپ ساباعىنا قاتىسىپ, حالقىمىزدىڭ قۇندى سالت-داستۇرىمەن تانىستى.
اتاپ ايتقاندا, جاس ورەندەر حالقىمىزدىڭ تۇرمىستىق قۇندى مۇرالارى: جاڭا تۋعان سابيگە ات قويۋ, بەسىككە سالۋ, قىرقىنان شىعارۋ, تۇسۋ كەسۋ, اتقا مىنگىزۋ, توقىم قاعۋ سەكىلدى ءداستۇرىمىزدىڭ ماڭىزدىلىعىمەن تانىسىپ, ەجەلدەن كەلە جاتقان كوشپەلى قوعامنىڭ عۇرىپتىق سالتى: ء«سۇيىنشى سۇرۋ», «بازارلىق بەرۋ», «شاشۋ شاشۋ», «ەرۋلىك», «قالاۋ», «قۇتتى بولسىن ايتۋ» سياقتى ەتنوگرافيالىق ۇعىمداردىڭ تەرەڭىنە ءۇڭىلدى.
سونىمەن قاتار, جەتكىنشەكتەر بۇرىنعىلاردىڭ «جەتى اتاسىن بىلگەن ەر – جەتى جۇرتتىڭ قامىن جەر» دەگەنىندەي حالقىمىزدىڭ گەنەتيكالىق-تۋىستىق قاتىناسى حاقىندا جۇيەلى تۇسىنىككە قانىعىپ, كوشپەندى بابالارىمىزدىڭ اقىل-وي تۋىندىسى ۇلتتىق تاعامدار: قۇرت, ىرىمشىك, قىمىز, جەنت, باۋىرساق ت.ب. تۋرالى مالىمەتتەرگە قانىقتى.
ساباق بارىسىندا وقۋشىلار ءوزارا ۇلتتىق ويىندار ويناپ, ناۋرىز جۇمباق شەشىپ سايىستى. سوڭىندا جاس قوناقتار وتاندىق ءھام حالىقارالىق ءان بايقاۋلارىنىڭ جۇلدەگەرى ايگەرىم ماناپوۆانىڭ شىرقاعان اندەرىن تىڭداپ, قىزداردىڭ «قاماجاي» ءبيىن تاماشالادى.
(فوتودا ءانشى بالاپان ايگەرىم ماناپوۆا).
