«زەرەندى اۋدانىنىڭ 55 جاستاعى تۇرعىنى وڭاي جولمەن تابىس تاپقىسى كەلىپ, الاياقتاردىڭ ارباۋىنا تۇسكەن. بەيتانىس ادامدار ونى جوعارى تابىس اكەلەتىن ينۆەستيتسيالىق جوباعا سەندىرىپ, العاشقى جارنانى تولەۋ جانە پايدا تابۋ ءۇشىن نەسيە الۋعا كوندىرگەن. ناتيجەسىندە ول 6 ميلليون تەڭگە نەسيە راسىمدەپ, بارلىق قاراجاتىن الاياقتارعا بەرگەن», — دەلىنگەن ماتەريالدا.
قازىرگى ۋاقىتتا اتالعان فاكت بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر
سول كۇنى كوكشەتاۋ قالاسىندا دا الاياقتىق دەرەگى تىركەلدى. 66 جاستاعى ايەلگە ءوزىن ۇيالى بايلانىس وپەراتورىنىڭ قىزمەتكەرىمىن دەپ تانىستىرعان ادام حابارلاسىپ, ونىڭ سەنىمىنە كىرىپ, 700 مىڭ تەڭگەدەن استام اقشاسىن يەمدەنىپ كەتكەن.
پوليتسەيلەر ازاماتتارعا بەيتانىس ادامدارعا بانك كارتالارىنىڭ مالىمەتتەرىن بەرمەۋگە, SMS ارقىلى كەلگەن كودتاردى ەشكىمگە جاريا ەتپەۋگە جانە كۇماندى سىلتەمەلەرگە وتپەۋگە شاقىرادى.
