«وقيعا 1999 جىلدىڭ تامىز ايىندا بولعان. جەكە ۇيدەن زورلىق-زومبىلىق بەلگىلەرى بار زەينەتكەردىڭ ءمايىتى تابىلعان. ساراپتاما مارقۇمنىڭ تۇنشىعىپ ولگەنىن كورسەتتى. كۇدىكتىنىڭ كورشىلەس ەلدە باسقا قىلمىسى ءۇشىن جازاسىن وتەپ جاتقانى انىقتالدى. رەادميسسيا ارقىلى ول شىمكەنت قالاسىنا جەتكىزىلىپ, قاماۋعا الىندى. تەرگەۋ "ادام ءولتىرۋ" بابى بويىنشا جۇرگىزىلۋدە», - دەدى ءىىم كريمينالدىق پوليتسيا دەپارتامەنتى باستىعىنىڭ ورىنباسارى رۋسلان نازاروۆ.
ودان بولەك, سول قالادا قىلمىس جاساعانى ءۇشىن 16 جىل ىزدەۋدە جۇرگەن كۇدىكتى ۇستالدى.
«كۇدىكتى 2009 جىلى ءۇش ادامعا وق اتىپ, سونىڭ سالدارىنان بىرەۋى قازا تاپقان. بۇعان قارجىلىق كەلىسپەۋشىلىكتەر سەبەپ بولعان. كۇدىكتى قاماۋدا. ماتەريالدار سوتقا جىبەرىلدى», - دەدى رۋسلان نازاروۆ.
