«سالىق جۇيەسى, بۇل – بۇكىل مەملەكەتتىك جۇيەنىڭ تىرەگى. بيۋدجەتتە قارجى بولماسا, مەملەكەت ءوز مىندەتىن تولىق اتقارا المايدى, الەۋمەتتىك مىندەتتەمەلەر دە ورىندالمايدى. بۇل تۋرالى جاڭا عانا بەلگىلى ەكونوميست جاقسىبەك قۇلەكەەۆ جاقسى ايتىپ ءوتتى. سونداي-اق قۇرىلتاي مۇشەلەرى قايىربەك ارىستانبەكوۆ, مارات باشيموۆ, ەرلان سايروۆ, راسۋل رىسمامبەتوۆ جانە مۇرات ابەنوۆ سالىق-بيۋدجەت ماسەلەسىنە قاتىستى ورىندى پىكىر ءبىلدىردى» دەدى مەملەكەت باسشىسى.
پرەزيدەنت ايتىپ وتكەندەي, «جۇرتتىڭ ء بارى ەكونوميست نەمەسە قارجىگەر ەمەس. «مەملەكەتتىڭ قانداي شارانى نە ءۇشىن قولعا الىپ جاتقانىن ءبارى بىردەي تۇسىنە بەرمەۋى مۇمكىن. سوندىقتان رەفورمانىڭ ءمانىن ءار ادامعا تۇسىنىكتى تىلمەن جەتكىزۋ كەرەك» دەيدى مەملەكەت .
ۇكىمەت سالىق رەفورماسىنا قاتىستى جاڭا تاسىلدەردى ۇسىندى. بۇل شارالار, جالپى العاندا, دۇرىس. وندا نەگىزگى ەكونوميكالىق جانە الەۋمەتتىك فاكتورلار ەسكەرىلگەن.
مەملەكەت باسشىسى اتتارىن اتاپ وتكەن, ۇلتتىق قۇرىلتاي جۇمىسىنا قاتىسقان ساراپشىلار باسپاسوزدە ءجيى اتالاتىن ايتارى بار تۇلعالار. قۇرىلتاي جۇمىسىنا قاتىسقان راسۋل رىسمامبەتوۆ رەفورمالار بارىسىنداعى پىكىر ساراپشىلاردىڭ باسىلىم بەتىندەگى پىكىرلەرى ارقىلى قالىپتاساتىنىن ايتادى. بىراق بىزدە جاقسىبەك قۇلەكەەۆ ءتارىزدى بەلگىلى ءبىر سالاعا ماماندانعان ماماندار از. سوندىقتان ەكونوميكانىڭ جەكەلەگەن سالالالارىنا ماماندانعان تاۋەلسىز ساراپشىلار پلاتفورماسىن قالىپتاستىراتىن كەز كەلدى. ەكونوميكالىق رەفورمالاردى جاڭعىرتۋ, تەرەڭدەتۋدى قاجەت ەتەتىن قازىرگى كەزدە بۇل مىندەتتىڭ سالماعى ودان سايىن ماڭىزدى.
مۇنداي پىكىردى كەلەسى ساراپشى مۇرات تەمىرحانوۆ تا قولدايدى. سونداي-اق ساراپشى پارلامەنتتىڭ ەكونوميكالىق بلوگىنىڭ ساپاسىنا ەرەكشە ءمان بەرۋ قاجەتتىگىن ايتادى. بىزگە دە ءان دە كەرەك, مادەنيەت تە كەرەك. بىراق ەكونوميكالىق ساۋاتتىلىق بارىنەن دە ماڭىزدى. قازىرگىدەي ەكونوميكالىق ينتەگراتسيالار تەرەڭدەپ بارا جاتقان زاماندا بىلىكتى ساراپشىلار قاۋىپ جاي جاقتان ەكەنىن ەسكەرتىپ, قۇلاعدار ەتىپ وتىرۋ كەرەك.
«وسىعان دەيىن تاۋەلسىز ساراپشىلار پىكىرى ءتيىستى نۇكتەلەرگە جەتپەيتىندەي پىكىر قالىپتاسقان. قازىر بۇل كۇدىك سەيىلدى. ەندى ساراپشىلارىمىز كاسىبي بىلىكتىلىگىنە ءمان بەرۋ كەرەك» دەيدى مۇرات تەمىرحانوۆ.
