بيىل قوستاناي وبلىسىنا قاراستى جانگەلدين اۋدانىنىڭ «عاسىرلار پەرنەسى» ءانسامبلىنىڭ قۇرىلعانىنا 50 جىل تولىپ وتىر. شىعارماشىلىق ۇجىمعا بۇل اتاۋدى كورنەكتى مەملەكەت جانە قوعام قايراتكەرى وزبەكالى جانىبەكوۆ قويعان دەسەدى. وسى جارتى عاسىر ىشىندە ونەر ۇجىمىنىڭ اتى ەلگە تانىلدى. ءبىراز بەلەستى باعىندىردى. بىرقاتار فەستيۆال مەن بايقاۋلاردىڭ جۇلدەگەرى بولدى. اسىرەسە ەل ىشىندە حالىق شىعارماشىلىعىن ساقتاۋ مەن ناسيحاتتاۋعا مول ۇلەس قوستى. ەلۋ جىلدىق تاريحىندا انسامبل قۇرامىندا قازاقستاننىڭ ەڭبەك سىڭىرگەن مادەنيەت قىزمەتكەرى, كومپوزيتور بولات حامزيننەن باستاپ, كومپوزيتور باقىتجان ساۋەكەنوۆ, رىستى ەردەنوۆا, اقدامەن دوسانوۆا, رايا بايكوبەنوۆا, ءلاززات حامزينا, اباي ءامىرحانوۆ, باقىتجان دوسىموۆ, بولتىرىك مولداشەۆ سەكىلدى وڭىرگە تانىمال تۇلعالار ونەر كورسەتتى. جاقىندا انسامبلگە قازاقستاننىڭ حالىق اقىنى قونىسباي ءابىلدىڭ ەسىمى بەرىلدى.
قازىر ونەر ۇجىمىنىڭ قۇرامى جاڭارعان. الايدا اعا مەن جاس بۋىن اراسىندا ساباقتاستىق ساقتالعان. كونتسەرت شىمىلدىعى «عاسىرلار پەرنەسى» ءانسامبلىنىڭ اۋەزدى شىعارماسىمەن اشىلدى. ودان كەيىن حالىق اقىنى, مەملەكەتتىك سىيلىقتىڭ لاۋرەاتى نۇرحان احمەتبەكوۆتىڭ «تورعايدان سالەم» اتتى تولعاۋىن ءانشى بايدوس قوجاساعيەۆ ناقىشىنا كەلتىرىپ ورىندادى. كومپوزيتور بولات ءحامزيننىڭ «شولپانىم جۇلدىزىم» ءانىن رەسپۋبليكالىق بايقاۋلاردىڭ جەڭىمپازى فاريزا بۇركىتباي شىرقاسا, قونىسباي ءابىلدىڭ «بالا ماحابباتىن» تالانتتى جاس ءانشى جاۋكە وڭداعان بابىنا كەلتىرىپ ايتتى. ال لاتيف ءحاميديدىڭ «بۇلب ۇلىن» ورىنداعان ءانشى فاريزا جولامانوۆاعا تىڭدارماندار ءتانتى بولدى.
ءان مەن كۇي اۋەلەگەن كەش بارىسىندا «جولامانوۆتار» وتباسىلىق ءانسامبلى مەن قانات پەن اسەم راجانوۆتار وتباسىلىق دۋەتى, «بالقاديشا» جەتىگەنشىلەر توبى ونەر كورسەتتى. سونداي-اق «ەركە-ناز» بي ءانسامبلى بيشىلەرىنىڭ زاماناۋي ناقىشتا جاڭعىرتقان حالىق ءبيى كوپشىلىك كوڭىلىنەن شىقتى. ن.احمەتبەكوۆ اتىنداعى مادەنيەت ءۇيى ارتىستەرى «ارقالىقتىڭ اق تاڭى» ءانىنىڭ جەلىسىمەن مۋزىكالىق قويىلىم ۇسىندى. قىسقاسى, ەكى ساعاتقا سوزىلعان كونتسەرتتە ەلىمىزگە بەلگىلى كومپوزيتورلاردىڭ شىعارمالارىمەن بىرگە, ءوڭىر سازگەرلەرىنىڭ تۋىندىلارى دا ورىندالدى. كەش سوڭىندا وسى ءىس-شاراعا قاتىسقان بارلىق ونەرپازعا قوستاناي وبلىسى جانگەلدين اۋدانىنىڭ اكىمى د.بيداشەۆتىڭ العىسحاتى تابىستالدى.
قايسار قۇسايىن
