فوتو: سۋ رەسۋرستارى جانە يرريگاتسيا مينيسترلىگى
وزەندەردەن: ەرتىس (27,4), قيعاش (73,7), نۇرا (1,1), جايىق (51,5), جەم (85,5) شاقىرىمدارى تازارتىلعان.
بۇدان بولەك, قازسۋشار كاسىپورنى بىرقاتار وڭىردە 1147 شاقىرىم كانالداردى مەحانيكالىق تازارتۋدان وتكىزىپ, 230 سۋ قۇرىلىسىن جوندەگەن.
مينيسترلىكتىڭ مالىمەتىنشە بىلتىر 36 جىلدان كەيىن العاش رەت اقتوبە سۋ قويماسىنا كەشەندى رەكونسترۋكتسيا جاسالدى. ال, باتىس قازاقستان وبلىسىنداعى كيروۆ سۋ قويماسى 58 جىلدا ءبىرىنشى رەت جوندەلدى.
«مەملەكەت باسشىسىنىڭ تاپسىرماسىنا سايكەس 10 وبلىستا جاڭادان كوممۋنالدىق مەنشىكتەگى گيدروتەحنيكالىق قۇرىلىسجايلاردى پايدالانۋعا جاۋاپتى مامانداندىرىلعان ۇيىمدار قۇرىلدى. ولاردىڭ بالانسىنا 809 نىسان قابىلداندى. 931 مامان جۇمىسقا الىنىپ, 203 ارنايى تەحنيكا بەرىلدى», دەدى سالا ءمينيسترى نۇرجان نۇرجىگىتوۆ.
