فوتو: polisia.kz
اۋەلى ەكىباستۇز قالاسىنىڭ لاۋندج-بارىنىڭ كاسسيرى جەدەل قىزمەتكەرلەردىڭ نازارىنا ىلىككەن. ول ۇزاق ۋاقىت بويى وسى بارعا كەلۋشىلەرگە ەسىرتكى زاتتارىن ساتۋمەن اينالىسقان.
كەيىن پوليتسيا قىزمەتكەرلەرى قالانىڭ ەكىنشى تۇرعىنىن انىقتادى. ول جالعا الۋ ءۇي-جايىندا قاراسورا ءوسىرۋ ءۇشىن ەسىرتكى زەرتحاناسىن ۇيىمداستىرعان بولىپ شىقتى. لاۋندج-باردىڭ اكىمشىسى ودان ەسىرتكى زاتتارىن ءىرى مولشەردە ساتىپ الاتىنى بەلگىلى بولدى.
ناتيجەسىندە ەكى قىلمىسكەر دە قولعا ءتۇستى.
ءتىنتۋ كەزىندە ولاردان بۋىپ-تۇيىلگەن جانە ساتۋعا دايىندالعان ەسىرتكى قۇرالدارى, 4 ملن تەڭگەدەن استام اقشا, كۇدىكتىلەردىڭ بىرىنە تيەسىلى قىمبات اۆتوكولىك تاركىلەندى.
ۇستالعان ادامنىڭ گاراجىنان ەر ادام ىدىستا وسىرگەن ەرەكشە ءيىسى بار جاسىل وسىمدىكتىڭ 30 بۇتاسى, ارنايى سۇيىقتىعى بار كونتەينەرلەر, مينەرالدى تىڭايتقىشتار, فيتولامپالار, كليماتتىق باقىلاۋ قوندىرعىسى جانە ەسىرتكى زەرتحاناسىنا ارنالعان باسقا دا جابدىقتار تابىلعان.
ازاماتتاردىڭ ۇستىنەن قىلمىستىق ءىس قوزعالىپ, ۋاقىتشا ۇستاۋ يزولياتورىنا قاماۋعا الىندى.
