مەديتسينا مۇمكىندىگىن قارىشتاتىپ وتىرعان وسىناۋ زاقىمى از ءادىس ارقىلى ترومبتى الىپ تاستاپ, «تەراپيالىق تەرەزەنى» كەڭەيتۋگە بولادى. ءداستۇرلى ترومبوليتيكالىق تەراپيامەن سالىستىرعاندا, جاڭا ءتاسىل قايتىپ شيپا قونبايتىن اسقىنۋ قاۋپىن ازايتادى.
مۇنداي وپەراتسيالار قازىر الماتى №4 قالالىق كلينيكالىق اۋرۋحانانىڭ رەنتگەن-ەندوۆاسكۋليارلىق حيرۋرگيا بولىمشەسىندە ءساتتى تۇردە جاسالىنا باستادى.
«ترومبوەكستراكتسيا ينسۋلت العان ناۋقاسقا تولىققاندى ومىرگە ورالۋعا مۇمكىندىك بەرەدى. بۇل جەردە ۋاقىت باستى ءرول اتقارادى: زاقىمى تومەن حيرۋرگيالىق وتا نەعۇرلىم ەرتە جاسالسا, تولىق قالپىنا كەلۋ ىقتيمالدىعى سوعۇرلىم جوعارى بولادى. ءبىزدىڭ تاجىريبەمىزدە جاقسى ناتيجە بار – ينسۋلت سالدارىنان سال بولىپ قالعان ناۋقاستار بىرنەشە كۇننەن كەيىن وزدىگىنەن ءجۇرىپ, سويلەي الدى», دەيدى №4 قكا نەيروحيرۋرگ دارىگەرى الدونعار ايساۋتوۆ.
جولى بولعان 39 جاستاعى ەر ادام №4 قالالىق كلينيكالىق اۋرۋحانانىڭ قابىلداۋ بولىمىنە ءتىلى كۇرمەلىپ, وڭ اياق-قولى السىزدەنىپ, قوسارلاپ كورۋ سياقتى ءينسۋلتتىڭ وتكىر بەلگىلەرىمەن ءتۇستى. ينسۋلت بەلگىلەرى انىقتالعان ساتتەن باستاپ التى ساعات ىشىندە نەيروحيرۋرگتار مەحانيكالىق ترومبوەكستراكتسيا جاساپ, ناۋقاستىڭ مي قىزمەتىن تولىق قالپىنا كەلتىردى. ءبىر اپتادان كەيىن ناۋقاس نەۆرولوگيالىق اسقىنۋسىز وتباسىنا ورالدى.
«نەۆرولوگ, نەيروحيرۋرگ جانە رەانيماتولوگ دارىگەرلەردىڭ ۇيلەسىمدى جۇمىسىنىڭ ارقاسىندا مەحانيكالىق ترومبوەكستراكتسيا اجالدان قۇتقارۋ ستاندارتىنىڭ بىرىنە اينالىپ كەلەدى. بۇل ءادىس تالاي ناۋقاستى مۇگەدەكتىكتەن ساقتاپ, قالىپتى ومىرگە ورالۋىنا كومەكتەسە الادى», دەيدى الماتىداعى №4 قكا ينسۋلت ورتالىعىنىڭ مەڭگەرۋشىسى دينارا مۇحانعاليەۆا.
