وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ەرىك مۇساباەۆتىڭ ايتۋىنشا, جامبىل وبلىسىندا جۇرەك-قان تامىرلارى اۋرۋلارى بويىنشا جىل ىشىندە 88066 ادام تەكسەرۋدەن وتكەن. ولاردىڭ 8,21 پايىزى نەمەسە 7404 ادامنان اۋرۋ انىقتالىپ, ديسپانسەرلىك ەسەپكە قويىلعان.
«بۇدان بولەك, قانت ديابەتى بويىنشا دا 88 مىڭنان استام تەكسەرىلدى. ولاردىڭ 1,20 پايىزى نەمەسە 1081 ادامنىڭ دەرتتى ەكەنى بەلگىلى بولىپ, ەسەپكە الىندى. ال گلاۋكوماعا تەكسەرۋدەن وتكەن ازاماتتاردىڭ 173-ءى دەرتكە شالدىققانى انىقتالدى.
سونداي-اق, ءسۇت بەزى وبىرى بويىنشا 51 420 ايەل مامموگرافيادان ءوتتى. 10 309 ايەلدەن (20,0%) اۋرۋ انىقتالىپ, ديسپانسەرلىك ەسەپكە الىندى. ال جاتىر موينى وبىرى بويىشا 47 541 ايەل تسيتولوگيالىق زەرتتەۋدەن وتكىزىلدى. 2 297 ادامنان (4,8%) اۋرۋ انىقتالىپ, ولار دا ديسپانسەرلىك ەسەپكە تىركەلدى», دەيدى باسقارما باسشىسىنىڭ مىندەتىن اتقارۋشى.
جامبىل وبلىسى
