ءداستۇرلى «Women In Business» حالىقارالىق فورۋمى ءار سالانىڭ كوشباسشىسى اتانعان 350-دەن استام ايەلدىڭ باسىن قوستى. «Halyk Bank» باسقارما توراعاسى ءۇمىت شاياحمەتوۆانىڭ ايتۋىنشا, ەلىمىزدە ەر ادامدارعا قاراعاندا ايەلدەر 26%-عا از تابىس تابادى.
«مۇنىڭ ءبىر شەشىمى – ايەلدەر كاسىپكەرلىگىن قولداۋ. ءبىزدىڭ «بيزنەستەگى ايەلدەر» باعدارلامامىز ارقىلى 2018 جىلدان باستاپ ءار وڭىردەن 600-دەن استام ايەل 6-8%-دىق مولشەرلەمەمەن 7 ملرد تەڭگەگە دەيىن نەسيە الدى», دەيدى.
دۇنيەجۇزىلىك بانكتىڭ ورتالىق ازياداعى وڭىرلىك ديرەكتورى تاتيانا پروسكۋرياكوۆانىڭ سوزىنشە, ايماقتاعى ايەلدەر قۇقىعىن كەڭەيتۋدەگى جەتىستىكتەرگە قاراماستان, كاسىپكەرلىكتە ءالى دە كەدەرگى بار.
«گەندەرلىك تەڭدىك – ادىلدىك ماسەلەسى عانا ەمەس, سونىمەن قاتار ءوڭىر ەلدەرىنىڭ ەكونوميكالىق الەۋەتى. ەگەر ايەلدەر ەكونوميكاعا ەرلەرمەن تەڭ دارەجەدە ارالاسسا, وندا ەلىمىزدە ءىجو 27%-عا, تاجىكستاندا 63%-عا دەيىن وسەر ەدى. جاعدايدى وزگەرتۋ ءۇشىن بيزنەستى دامىتۋدا مەنشىكتىك, مۇراگەرلىك جانە ايەلدەردىڭ قارجىلىق قىزمەت پەن نەسيە قاراجاتىنا قول جەتكىزۋدى جەڭىلدەتۋ ماسەلەلەرىندە زاڭنامالىق كەپىلدىكتەردى قامتاماسىز ەتۋ قاجەت», دەدى.
«Techno Women» كوممەرتسيالىق ەمەس ۇيىمىنىڭ باسقارما ءتورايىمى ازيزا شوجەەۆانىڭ پىكىرىنشە, جاساندى ينتەللەكتىنىڭ پايدا بولۋى, تەحنولوگيالاردىڭ دامۋى ءوز كەزەگىندە پايدامەن قاتار تاۋەكەل دە تۋدىرادى.
«قازىر ءبارىمىز جاپپاي تسيفرلاندىرۋ الەمىندە ءومىر ءسۇرىپ جاتقاندىقتان تسيفرلىق تەحنولوگيا مەن جي مۇمكىندىكتەرى كوپتى الاڭداتادى. بولاشاعىمىزدىڭ قانداي بولارى بەلگىسىز. بىراق جاساندى ينتەللەكت ادامنىڭ ءبىر قاسيەتىن الماستىرا المايدى. ءبىزدىڭ كۇشتى جاعىمىز – ەموتسيا مەن ەمپاتيامىز. ال كاسىبىن جۇرگىزىپ جاتقان قىز-كەلىنشەكتەردىڭ كۇشتىلىگى – جاناشىرلىعى مەن سەزىمتالدىعىندا», دەيدى ول.
فورۋم ۇيىمداستىرۋشىسى اقەركىن ەراليەۆا «Women in Business» – جاي عانا فورۋم ەمەس, بۇل – بيزنەس فيلوسوفياسى, اقپاراتتىق داۋ-داماي مەن نەتۆوركتىڭ ساپالى دەڭگەيىنىڭ ترانسفورماتسياسى دەيدى.
«بيىل ءبىز ايەل كاسىپكەرلەر جاڭا قاۋىپ-قاتەرلەرگە قالاي قارسى تۇرىپ, ماكروەكونوميكالىق وزگەرىستەردەن اقپاراتتىق قاۋىپسىزدىككە دەيىنگى جاھاندىق ماسەلەلەردى شەشۋگە قالاي ىقپال ەتە الاتىنىن تالقىلادىق. ايەلدەر بيزنەسىنە جاڭا مۇمكىندىكتەر اشىپ جاتقان تسيفرلىق ترانسفورماتسيا مەن جاڭا تەحنولوگيالارعا باسا نازار اۋدارىلدى», دەپ قورىتىندىلادى.
الماتى
