فوتو: تجم
وقۋ-جاتتىعۋدىڭ تاقىرىبى «سۋ تاسقىنى كەزەڭى جاعدايلارىنداعى توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋ مەملەكەتتىك جۇيەسىنىڭ باسقارۋ ورگاندارىن, كۇشتەرى مەن قۇرالدارىن دايىنداۋ».
توتەنشە جاعدايلار مينيسترلىگىنىڭ حابارلاۋىنشا, وقۋ-جاتتىعۋ ازاماتتىق قورعاۋ مەملەكەتتىك جۇيەسىنىڭ جانە حالىقتىڭ كوكتەم مەزگىلى جاعدايىندا توتەنشە جاعدايلاردى جويۋعا دايىندىعى مەن قابىلەتتىلىگىن ارتتىرۋ, ازاماتتىق قورعاۋ قىزمەتتەرى مەن قۇرالىمدارىنىڭ كوكتەم كەزەڭدەگى تج-عا دەن قويۋعا دايىندىعىن تەكسەرۋ ماقساتىندا وتكىزىلەدى.
ايتا كەتەيىك, وقۋ ۇيلەستىرۋ جانە جەتەكشىلىك ەتۋ جونىندەگى رەسپۋبليكالىق شتاب قوستانايدا ورنالاسقان. وقۋ-جاتتىعۋدىڭ باسشىسى توتەنشە جاعدايلار ۆيتسە-ءمينيسترى ر.ف. كامالوۆ.
«وقۋ-جاتتىعۋ شەڭبەرىندە ەكى كۇن بويى استانا قالاسىندا, اقمولا, شىعىس قازاقستان, قوستاناي, قاراعاندى, پاۆلودار, سولتۇستىك قازاقستان, اباي جانە ۇلىتاۋ وبلىستارىندا تج جويۋ جونىندەگى ءىس-قيمىلداردى پىسىقتاۋ بويىنشا كوماندالىق-شتابتىق جاتتىعۋلار, اۆاريالىق-قۇتقارۋ قىزمەتتەرىمەن جانە ازاماتتىق قورعاۋ قۇرالىمدارىمەن پراكتيكالىق ءىس-قيمىلدار وتكىزىلەدى», دەلىنگەن حابارلامادا.
