فوتو: ن. بايبۋللين
وندا «قازاقستان رەسپۋبليكاسى مەن قاتار مەملەكەتى اراسىنداعى قىلمىستىق ىستەر بويىنشا ءوزارا قۇقىقتىق كومەك تۋرالى كەلىسىمدى راتيفيكاتسيالاۋ تۋرالى» جانە «قازاقستان رەسپۋبليكاسى مەن قاتار مەملەكەتى اراسىنداعى ۇستاپ بەرۋ تۋرالى كەلىسىمدى راتيفيكاتسيالاۋ تۋرالى» زاڭدار قارالدى.
بۇل زاڭدار قازاقستان مەن قاتار اراسىنداعى قۇقىقتىق ىنتىماقتاستىقتى نىعايتۋعا جانە قىلمىستىق ىستەر بويىنشا ءوزارا ءتيىمدى ءىس-قيمىلدى قامتاماسىز ەتۋگە باعىتتالعان. 2024 جىلعى 14 اقپاندا دوحادا قول قويىلعان كەلىسىمدەر ىزدەۋدە جۇرگەن ادامداردى ۇستاپ بەرۋ ءتارتىبى مەن قۇقىق قورعاۋ ورگاندارى اراسىنداعى ءوزارا ءىس-قيمىل تەتىكتەرىن رەتتەيدى. قۇجاتتاردا ەكستراديتسيالاۋدان باس تارتۋ نەگىزدەرى قاراستىرىلعان, ونىڭ ىشىندە قىلمىستىڭ ساياسي سيپاتى بولۋى, قىلمىستىق قۋدالاۋ مەرزىمىنىڭ ءوتۋى نەمەسە ىزدەۋدەگى ادامدى ازاپتاۋ نە قاتىگەزدىك قاۋپىنىڭ تۋىنداۋى سياقتى جاعدايلار ەسكەرىلگەن. كەلىسىمدەر سونداي-اق اقپارات جانە دالەلدەر الماسۋ, تەرگەۋ امالدارىن جۇرگىزۋ, ۇستالعان ادامداردى ۋاقىتشا بەرۋ, قۇجاتتاردى تاپسىرۋ, ءتىنتۋ جانە م ۇلىكتى تاركىلەۋ راسىمدەرىن قامتيدى.
وتىرىس بارىسىندا بۇل كەلىسىمدەردى راتيفيكاتسيالاۋ قازاقستان مەن قاتاردىڭ قۇزىرەتتى ورگاندارى اراسىنداعى قىلمىسقا قارسى ءىس-قيمىل ىنتىماقتاستىعىن ارتتىرۋعا, سونداي-اق ەكىجاقتى قارىم-قاتىناستاردى نىعايتۋعا مۇمكىندىك بەرەتىنى اتاپ ءوتىلدى. سونىمەن قاتار, ولاردى جۇزەگە اسىرۋ قوسىمشا بيۋدجەت شىعىنىن قاجەت ەتپەيدى. تالقىلاۋ قورىتىندىسى بويىنشا زاڭداردى پالاتا وتىرىسىندا قاراۋعا جىبەرۋ تۋرالى شەشىم قابىلداندى.
