باستامانىڭ ماقساتى – اۆتوكولىكتەردەن بولىنەتىن زياندى زاتتاردىڭ دەڭگەيىن باقىلاۋ. الماتىدا اۋانىڭ لاستانۋىنىڭ ەداۋىر بولىگى كولىك تۇتىنىنەن بولعاندىقتان, بۇل ماسەلە ەرەكشە ماڭىزدى.
قازىرگى تاڭدا الماتى قالاسىنىڭ ەكولوگيا جانە قورشاعان ورتا باسقارماسى ارنايى ۇيىمداردى تارتا وتىرىپ, كولىك شىعارىندىلارىن باقىلاۋ جۇمىستارىن كۇشەيتتى. قالادا 19 ستاتسيونارلىق جانە 3 جىلجىمالى ەكوبەكەت جۇمىس ىستەپ تۇر.
ەكوبەكەت قىزمەتكەرى ءابدىحاميت امانقۇلدىڭ ايتۋىنشا, 2024 جىلى 204 996 ولشەۋ جۇرگىزىلگەن. «34 708 اۆتوكولىكتىڭ (17%) ۋلى زاتتار شىعارۋ دەڭگەيى بەلگىلەنگەن نورمادان اسىپ كەتكەنى انىقتالدى. وسىعان بايلانىستى 31 682 اكىمشىلىك حاتتاما تولتىرىلدى», دەدى ول.
ەكولوگيالىق بەكەتتەردىڭ ءتيىمدى جۇمىسىنىڭ ناتيجەسىندە نورمادان اسىپ كەتەتىن كولىكتەردىڭ ۇلەسى ازايعانى (2020 جىلى بۇل كورسەتكىش 20%-دان اسسا, 2024 جىلى شامامەن 17%) بايقالادى. بۇل شارالار قالا ەكولوگياسىن جاقسارتۋعا باعىتتالعان ماڭىزدى قادامداردىڭ ءبىرى بولماق. ايتا كەتەيىك, 1 ناۋرىز بەن 1 ءساۋىر ارالىعىندا الماتىدا «الماتى – ءبىزدىڭ ورتاق ءۇيىمىز» ەكولوگيالىق ناۋقانى ءوتىپ جاتىر. ونىڭ اياسىندا قالا ورتاسىن كوركەيتۋ جانە ەكولوگيالىق جاعدايدى جاقسارتۋعا ارنالعان كوپتەگەن ءىس-شارا جوسپارلانعان.
