فوتو: Khalil Ashawi / Reuters
40 جىلعا سوزىلعان كۇردىستاننىڭ «اۆتونوميا ءۇشىن كۇرەسى» ەندى اياقتالادى. بۇل تۋرالى تۇركيا تۇرمەسىندە وتىرعان كجپ توراعاسى ابدۋللا وجالان حابارلاپ, جاقتاستارىن قارۋدى تاستاۋعا ۇندەدى. كجپ ەسەسىنە ابدۋللا وجالاندى بوستاندىققا شىعارۋدى تالاپ ەتىپ وتىر. ولار اراداعى داۋ توراعانىڭ باسشىلىعىمەن عانا توقتايتىنىن حابارلادى.
ۆۆس اگەنتتىگى سيريا باسشىلىعىنا تۇركيانى جاقتايتىن جاڭا بيلىك كەلگەلى «وزدەرىنە قارسى جويقىن سوققى جاسالۋى مۇمكىن» دەپ قاۋىپتەنگەن سيريالىق كۇردتەر ابدۋللا ودجالاننىڭ بەيبىت پەن بىتىمگە شاقىرعان ۇندەۋىن قۋانا-قۋانا قارسى العانىن جاريا ەتتى.
1999 جىلدان تۇركيا تۇرمەسىنە توعىتىلعان ابدۋللا وجالان ءوز كەزەگىندە كجپ-نى تاراتۋ, قارۋدى تاستاۋ شەشىمىنە قاتىستى تاريحي جاۋاپكەرشىلىكتى موينىنا الاتىنان اتاپ وتكەن.
«مەن كجپ-نى سەز شاقىرىپ, كەز كەلگەن زاماناۋي ساياسي پارتيا سياقتى تۇركيا مەملەكەتىمەن جانە قوعامىمەن ينتەگراتسيالانۋ تۋرالى شەشىم قابىلداۋعا شاقىرامىن! بارلىق قارۋلى توپتار قارۋلارىن تاستاۋعا ءتيىس. ال, كجپ ءوزىن-ءوزى تاراتۋى ءتيىس», دەلىنگەن ابدۋللا وجالاننىڭ ۇندەۋىندە.
ال تۇركيا ۇكىمەتى اراداعى قاقتىعىستىڭ نۇكتەسىن قويۋعا 2012 جىلدان بەرى ارەكەت ەتىپ, بەيبىتشىلىك كەلىسىمىن ۇسىنىپ كەلەدى.
