پويىز ەلەكتر قۋاتىمەن جۇرەدى. بىرجولاقتى تەمىرجول جەلىسى باقشا ىشىندە توسەلگەن. پيلوتسىز, قاشىقتان باسقارۋ ارقىلى جۇمىس ىستەيدى. جۇك تاسۋعا ارنالعان بىرنەشە تىركەمە ارباسى بار, ولاردىڭ ارقايسىسىنا 200 كەلىگە دەيىن جۇك ارتۋعا بولادى. ەڭ باستى ارتىقشىلىعى – تاۋلى ايماقتاعى ويلى-قىرلى القاپتاردا جۇرۋدە وڭايلىعى.
«مەندين قالاسىندا 93 مىڭ گەكتار جەرگە وسىنداي پويىزدار قىزمەت ەتەدى. مۇندا جىل سايىن 480 مىڭ توننا ءونىم جينالادى. تاۋلى ايماقتاعى فەرمەرلەردىڭ جۇمىسىن جەڭىلدەتۋ ءۇشىن وسىنداي شاعىن پويىزداردىڭ قولدانىلۋ اياسىن كەڭەيتۋ جوسپارلانۋدا. قازىرگى ۋاقىتتا فەرمەرلەر تاراپىنان سۇرانىس ارتۋدا. اۋىل شارۋاشىلىعىنا ينۆەستيتسيالاۋ كولەمى بيىلدان باستاپ ءوسۋى كۇتىلۋدە», دەيدى مەندين قالاسى وندىرىستىك جانە تەحنولوگيالار ورتالىعىنىڭ باس مامانى چەن تسزيۋان.
بۇل يننوۆاتسيالىق جاڭالىق اۋىل شارۋاشىلىعىندا ەڭبەك ونىمدىلىگىن ايتارلىقتاي ارتتىردى. سونىمەن قاتار, جالدامالى جۇمىسشىلارعا جۇمسالاتىن شىعىندار دا ازايعان. ناتيجەسىندە, تابىس كولەمى 350 ميلليون دوللارعا جەتتى. ەندى بۇل تەحنولوگيانىڭ جاپپاي ەنگىزىلۋى قاراستىرىلىپ جاتىر.
