ۇكىمەتتىك ەمەس ۇيىم – الەۋمەتتىك ماسەلەلەردى شەشۋدە جانە ازاماتتىق باستامالاردى جانداندىرۋدا مەملەكەتتىڭ ەڭ سەنىمدى تىرەگى سانالادى.
«راسىندا دا, ۇكىمەتتىك ەمەس ۇيىمدار ماڭىزدى الەۋمەتتىك ماسەلەلەردى ۇدايى كوتەرىپ, ولاردى كەشەندى تۇردە شەشۋگە سەپتىگىن تيگىزىپ كەلەدى. مەملەكەتتىڭ كەمەل كەلەشەگىن قامتاماسىز ەتەتىن نەگىزگى رەسۋرس – ادام كاپيتالى. بۇگىندە ەلىمىزدە 22 مىڭنان استام ۇكىمەتتىك ەمەس ۇيىم تىركەلگەن, ونىڭ 18 مىڭى بەلسەندى جۇمىس ىستەيدى. ازاماتتاردىڭ قۇقىقتارىن قورعاۋدان باستاپ, «تازا قازاقستان» سەكىلدى ەكولوگيالىق اكتسيالارعا دەيىنگى كوپتەگەن ماڭىزدى مىندەتتەردى ابىرويمەن اتقارىپ كەلەسىزدەر», دەدى مينيستر قۇتتىقتاۋ سوزىندە.
سونداي-اق ا. بالاەۆا ۇكىمەتتىك ەمەس ۇيىمداردىڭ قىزمەت كورسەتۋ ساپاسىن جاقسارتۋ جانە قوعاممەن بايلانىستى نىعايتۋ ماقساتىندا مەملەكەتتىك قارجىلاندىرۋ كولەمى جىل سايىن ارتىپ كەلە جاتقانىن اتاپ ءوتتى.
«سىزدەردىڭ قوعام يگىلىگى جولىنداعى ەڭبەكتەرىڭىز وراسان زور. وسى ورايدا, ازاماتتىق قوعامدى دامىتۋداعى ماڭىزدى جانە نەگىزگى مىندەتتەردى جۇزەگە اسىرۋدا بارشاڭىزعا ساتتىلىك, جاڭا يدەيالار مەن تولايىم تابىس تىلەيمىن! قوعام دامۋىنا قوسىپ جاتقان ولشەۋسىز ۇلەستەرىڭىز ءۇشىن العىس بىلدىرەمىن!», دەدى مينيستر.
