قر قورعانىس مينيسترلىگىنىڭ ءباسپاسوز قىزمەتىنىڭ حابارلاۋىنشا, ۇمىتكەرلەردى قاتاڭ كوپساتىلى ىرىكتەۋ كۇتىپ تۇر, ال جاڭا كريتەريلەر پروتسەستى بۇرىنعىدان دا باسەكەگە قابىلەتتى ەتەدى.
- 10 ماۋسىمعا دەيىن جەرگىلىكتى اسكەري باسقارۋ ورگانىنا ءوتىنىش بەرۋ قاجەت.
- قاتىسۋ ءۇشىن ەڭ تومەنگى شەكتى بالل – ۇبت بويىنشا 50 بالل جانە دەنساۋلىق تالاپتارىنا سايكەستىك.
- 15-31 شىلدە ارالىعىندا ۇمىتكەرلەر اسكەري ينستيتۋتقا قۇجاتتارىن تاپسىرىپ, سىناقتاردان وتەدى.
ىرىكتەۋ كەزەڭدەرى:
- پسيحولوگيالىق تەستىلەۋ – سترەسس تۇراقتىلىعى مەن موتيۆاتسيانى انىقتاۋ.
- مەديتسينالىق تەكسەرۋ – اسكەري ستاندارتتار بويىنشا دەنساۋلىق جاعدايىن باعالاۋ.
- فيزيكالىق دايىندىق – كۇش, توزىمدىلىك جانە ۇيلەسىمدىلىك بويىنشا نورماتيۆتەردى تاپسىرۋ.
- كونكۋرس نەگىزىندەگى ىرىكتەۋ – وقۋعا قابىلداۋ تۋرالى قورىتىندى شەشىم قابىلداۋ.
ءاربىر ۇمىتكەر سىناقتاردان تەك ءبىر رەت وتەدى. ەگەر كەز كەلگەن كەزەڭنەن وتە الماسا, كەلەسى سىناققا جىبەرىلمەيدى.
