سۋرەتتە: سول جاقتا تۇرعان جۇماحان ءبىرىمجانوۆ
جۇماحان قورعانبەك ۇلى ءبىرىمجانوۆ – قاتارداعى جاۋىنگەر, 1919 جىلى قوستاناي وبلىسى تورعاي اۋدانى №3 اۋىلدا (قازىرگى قوستاناي وبلىسى ءا.جانگەلدين اۋدانىندا) دۇنيەگە كەلگەن. ەل باسىنا كۇن تۋىپ, سۇراپىل سوعىس باستالعاندا ول الماتى قالاسى فرۋنزە اۋداندىق اسكەري كوميسسارياتىنان شاقىرىلىپ, وتان قورعاۋعا
اتتانادى.
سوعىستان كەيىن حابارسىز كەتكەن ساربازداردىڭ ەسىمى مەن جاتقان جەرىن انىقتاۋ ۇزاق ۋاقىت بويى مۇمكىن بولماعان ەدى. جۇماحان ءبىرىمجانوۆ مايدان دالاسىنداعى اۋىر شايقاستاردىڭ بىرىندە, 1942 جىلدىڭ 19 جەلتوقسانىندا رەسەيدىڭ ۆولگوگراد وبلىسى, سوۆەتسكوە ەلدى مەكەنىندە ەرلىكپەن قازا تاپقان. سۇيەگى كەيىننەن ۆولگوگراد وبلىسى, كالاچەۆسكي اۋدانى كالاچ-نا-دونۋ قالاسىنداعى «پاۆشيح بورتسوۆ» الاڭىندا ورنالاسقان باۋىرلاستار زيراتىنا قايتا جەرلەنگەن.
بۇل جاڭالىق – سوعىس جىلدارىندا شەيىت كەتكەن بوزداقتاردىڭ ۇرپاق جادىنان ەشقاشان وشپەيتىنىنىڭ تاعى ءبىر دالەلى. 83 جىل بويى قارالى بەلگىسىزدىككە ورانعان جاۋىنگەر رۋحى ەندى ءوز تۋىستارىنىڭ جۇرەگىندە, ەل تاريحىنىڭ جارقىن بەتتەرىندە ماڭگىلىك ساقتالماق.
سامات جۇماتاي ۇلى,
ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ عىلىمي قىزمەتكەرى
