بۇل قۇجاتقا 2023 جىلدىڭ 8 ماۋسىمىندا سوچي قالاسىندا قول قويىلعان.
كەلىسىمدە تاۋەلسىز مەملەكەتتەر دوستاستىعى ەلدەرى اراسىندا ەركىن ساۋدا ايماعىن تۇراقتى دامىتۋ قامتاماسىز ەتىلەدى. سونىمەن قاتار قاتىسۋشى مەملەكەتتەردىڭ ەكونوميكالارىن ءارى قاراي دامىتۋ ءۇشىن قولايلى جاعدايلار جاسالادى.
قۇجاتتا ينۆەستيتسيالارمەن بايلانىستى ەرەجەلەر قامتىلعان, بۇل ءوز كەزەگىندە تمد ەلدەرىندە بيزنەس جۇرگىزۋ ءۇشىن ءتيىمدى جاعدايلار قالىپتاستىرۋعا ايتارلىقتاي سەرپىن بەرەدى. كەلىسىم بۇعان دەيىن جاسالعان ەكىجاقتى ينۆەستيتسيالار قورعاۋ جانە قولداۋ تۋرالى كەلىسىمدەردى تولىقتىرىپ, دامىتۋعا مۇمكىندىك بەرەدى.
راتيفيكاتسيالاۋ قازاقستانعا تمد ەلدەرىمەن ساۋدا-ەكونوميكالىق سەرىكتەستىكتى كەڭەيتۋگە, وتاندىق قىزمەتتەردىڭ ەكسپورتىن ارتتىرۋعا جانە ەلىمىزگە ينۆەستيتسيالار كولەمىن ۇلعايتۋعا ىقپال ەتەدى.
