فوتو: ۇكىمەتتىڭ ءباسپاسوز قىزمەتى
پرەمەر-مينيستر شىعىنداردى وڭتايلاندىرۋ تسيفرلىق تەحنولوگيالاردى ەنگىزۋ ارقىلى جۇزەگە اسىرىلۋى ءتيىس ەكەنىن باسا ايتتى. بۇل ءتاسىل مينيسترلىك جۇمىسىنىڭ تيىمدىلىگىن ارتتىرۋعا باعىتتالعان.
«مەن ءسىز اتاپ وتكەن جاڭا تاسىلدەردى تولىعىمەن قولدايمىن. تسيفرلاندىرۋ ارقىلى ارتىق شىعىندار مەن قاجەتسىز قۇرىلىمداردى قىسقارتۋ قاجەت. ناتيجەسىندە, جالپى مەملەكەتتىك اپپاراتتىڭ تيىمدىلىگى ارتادى. بۇل بارلىق مەملەكەتتىك ورگانعا قاتىستى», دەدى ولجاس بەكتەنوۆ.
بۇعان دەيىن ادىلەت ءمينيسترى ەرلان سارسەمباەۆ ۇكىمەت وتىرىسىندا «تسيفرلىق اسسيستەنت» ەنگىزىلسە, ء«وندىرىپ الۋشى مەن بورىشكەردىڭ جەكە كابينەتىن» جەتىلدىرىلەتىنىن مالىمدەگەن ەدى. سونىمەن قاتار, قازاقستان اۆتورلىق قۇقىقتاردى ۇجىمدىق باسقارۋ سالاسىن تسيفرلاندىرۋدى جوسپارلاپ وتىر. قر ادىلەت مينيسترلىگى تەگىن زاڭگەرلىك كەڭەس بەرەتىن چات-بوتتى ىسكە قوسۋدى ۇسىندى.
