شارۋالاردى قولداۋعا قارجى ءبولىندى

قۇجات 2025 جىلعى 28 قاڭتاردا وتكەن ۇكىمەتتىڭ كەڭەيتىلگەن وتىرىسىندا مەملەكەت باسشىسىنىڭ كوكتەمگى ەگىس پەن جيىن-تەرىم جۇمىستارىنا كەمىندە 700 ملرد تەڭگە كولەمىندە جەڭىلدەتىلگەن قارجىلاندىرۋدى قامتاماسىز ەتۋ بويىنشا بەرگەن تاپسىرماسىن ورىنداۋ شەڭبەرىندە قابىلداندى.

اتاپ ايتقاندا, اۋىل شارۋا­شى­لىعى تاۋار وندىرۋ­شى­لەرىن قول­جەتىمدى نەسيە ارقى­لى قولداۋ جانە شارۋالار­دىڭ قارجى­لىق جاعدايىن تۇراقتاندىرۋ ماقساتىندا قاۋلىعا سايكەس ۇكىمەت رەزەرۆىنەن شامامەن 116 ملرد 772 ملن تەڭگە ءبولۋ قاراستىرىلعان.

قاراجاتتى 2025 جىلعى كوكتەمگى ەگىس جانە جيىن-تەرىم جۇمىستارىن ساپالى جۇرگىزۋ ءۇشىن, سونداي-اق وتاندىق وندىرىستەگى اۋىل شارۋاشىلىعى تەحنيكاسىن ساتىپ الۋ ءۇشىن اوك سۋبەكتىلەرىن قارجىلاندىرۋعا باعىتتاۋ جوسپارلانعان. بۇل ءارى قاراي ەلدە وندىرىلگەن جانە قۇ­راس­تىرىلعان اۋىل شارۋاشىلىعى تەحنيكاسىن ساتىپ الۋدى قارجى­لان­دىرۋعا, كەيىن ونى ليزينگكە بەرۋگە, سونداي-اق «دامۋ» كاسىپ­كەرلىكتى دامىتۋ قورى» اق تاراپىنان نەسيە شارتتارىن كەپىلدەندىرۋ كەزىندە كوميسسيانى ارزانداتۋ ءۇشىن «اگرارلىق نەسيە كورپوراتسياسى» اق مەن «قازاگروقارجى» اق وبليگاتسيالارى بويىنشا كۋپوندىق سىياقىنى سۋبسيديالاۋ ارقىلى جۇزەگە اسىرىلادى.

ەسكە سالا كەتەيىك, مەملەكەت باسشىسىنىڭ 2024 جىلعى 7 اقپاندا وتكەن ۇكىمەتتىڭ كەڭەي­تىلگەن وتىرىسىندا بەرگەن تاپسىرمالارىن ورىنداۋ شەڭبەرىندە ۇكىمەت بيىلعى كوكتەمگى ەگىس جانە جيىن-تەرىم جۇمىستارىنا قارجىلاندىرۋ كولەمىن ارتتىرۋ ماقساتىندا العاشقى 100 ملرد تەڭگەنى 2024 جىلعى جەلتوقسانىندا بولگەن ەدى.