زاڭسىز كاسىپتىڭ زاردابى اۋىر

جۇرگىزۋشى ىشىم­دىك­تەر­دى پلاس­­تيكالىق ىدىستار مەن بو­تەل­كەلەرگە ءبولىپ قۇيىپ العان ەكەن. ارينە, بۇلاردىڭ بارىن­دە اكتسيزدىك ماركالار جوق بول­عاندىقتان, ونى قىلمىستىق جول­مەن ءبىر جەردەن قىمقىرىپ نەمەسە ارزانعا ساتىپ العانى كورىنىپ تۇر. زاڭسىز اينالىمعا شى­عا­رىلعان الكوگولدىك ونىم­دەر تاركىلەنىپ, جۇر­گىزۋشى اكىم­شىلىك جاۋاپكەرشىلىككە تارتىلدى.

الكوگولدىڭ زاڭسىز تارالۋىمەن كۇرەس – «زاڭ جانە ءتارتىپ» قاعيداتىن ىسكە اسىرۋدىڭ جانە ماس كۇيدە جاسالاتىن قىلمىس پەن قۇقىق بۇزۋشىلىقتىڭ الدىن الۋدىڭ ماڭىزدى بولى­گى. قاڭتار ايىندا سولتۇستىك پولي­تسەيلەرى بار­لىعى 1 145,5 ليتر اكتسيزسىز الكوگول تاركىلەدى.

وتكەن جىلدىڭ اياعىندا الكوگولگە قارسى زاڭنامانىڭ ۇنەمى بۇزىلىپ وتىرعانىن بايقادىق. سونىڭ ىشىندە جەلتوقسان ايىندا عانا ۋچاسكەلىك ينسپەكتورلار 95 ادامدى الكوگولدىك ونىمدەردى ساتۋدا زاڭ تالاپتارىن بۇزعانى ءۇشىن, ال 178 ادامدى ونى جاسىرىن تۇردە قولدان جاساپ ساتقانى ءۇشىن اكىمشى­لىك جاۋاپكەرشىلىككە تارتقان. بارلىعى 6 مىڭ توننا قۇرامىندا ءسپيرتى بار الكوگولدىك ءونىم تاركىلەنگەن. مىسال ءۇشىن ايتاتىن بولساق, ەسىل اۋدانىنىڭ ءبىر اۋىلىنداعى جەرگىلىكتى تۇر­عىننىڭ اۋلاسىنان «ۋچاستوك» پروفيلاكتيكالىق وپەراتسياسى بارىسىندا قۇرامىندا ءسپيرتى بار 497 ليتر سۇيىق ءونىم الىندى. ونىڭ 697 شيشاسى سىرا, 29 بەس ليترلىك پلاستيكالىق ىدىسقا قۇيىلعانى اراق دەپ كورسەتىلگەن. زاڭدى اينالىپ كاسىپكەرلىك جاساعانى ءۇشىن ءۇي يەسىنە ۇلكەن كولەمدە ايىپپۇل سالىندى. ال پەتروپاۆل قالاسىنىڭ 62 جاستاعى ءبىر تۇرعىنى ساۋدا ۇيلەرىنىڭ بىرىندە ىشكىلىككە بەيىم ادامداردى كوزىمەن باعىپ, ولارعا سپيرتكە سۋ قوسىلعان «اراقتاردى» ارزان ساتىپ كەلگەن. ۇستالعان كەزدە ونىڭ 5 ليترلىك پلاستيكالىق ىدىستا ءسپيرتى بول­عان. سونداي-اق ۇيىندە 15 ليتر, ءۇيىنىڭ اۋلاسىنداعى گاراجىندا 213 ليتر ءسپيرتى تىعۋلى تۇرعان. بۇعان دا اكىمشىلىك جولمەن ايىپپۇل سالىندى.

وبلىستىق پد باستىعىنىڭ ءبىرىنشى ورىنباسارى, پولكوۆنيك قۇرمانعالي ىسماعۇلوۆ ۋچاس­كەلىك ينسپەكتورلارمەن كەزدەس­كەندە وسى تاراپتاعى جۇمىستى كۇشەيتۋدى تاپسىردى.

«الكوگولدىڭ زاڭسىز اينالىمى بارلىق قىلمىستى ىستەر­دىڭ باستاماشىسى بولاتىنى, سون­دىقتان ونى ساتۋدىڭ ءتار­تىبى قاتاڭ ساقتالۋى كەرەكتىگى ەسكەرتىلدى. مىسالى, ۇرلىق سياقتى قىلمىستار اشىلعاندا, ونى جاساعان ادامداردىڭ ءبارى دەرلىك الدىن الا سپيرتتىك ىشىم­دىكتەر ءىشىپ الاتىنى ءىس جۇ­زىندە دالەلدەنىپ وتىر. سون­دىق­تان الكوگول اينالىمىنا قاتاڭ باقىلاۋ – قىلمىستىڭ الدىن الۋ دەگەن ءسوز», دەدى ق.ىسماعۇلوۆ.

سولتۇستىك قازاقستان وبلىسى