توتەنشە جاعدايلار ءمينيسترى شىڭعىس ءارىنوۆ, ونەركاسىپ جانە قۇرىلىس ءمينيسترى قانات شارلاپاەۆ جاڭا تاسىلدەر جانە ەڭبەك قاۋىپسىزدىگى سالاسىنداعى اتقارىلىپ جاتقان جۇمىستار تۋرالى باياندادى. كەڭەسكە ەڭبەك جانە حالىقتى الەۋمەتتىك قورعاۋ, سونداي-اق تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلەرى قاتىستى.
قاۋىپسىز ەڭبەك تۇجىرىمداماسى اياسىندا نىسانداردى تسيفرلاندىرۋدى ەسكەرە وتىرىپ, نورماتيۆتىك-قۇقىقتىق اكتىلەر قايتا قارالادى, ونەركاسىپ قاۋىپسىزدىگىن, عىلىمدى دامىتۋدى جانە ءتيىستى ورتالىقتار قۇرۋدى قامتاماسىز ەتەتىن نىساندارعا قويىلاتىن, سونداي-اق مەملەكەتتىك ەڭبەك ينسپەكتورىنىڭ كادرلىق الەۋەتى مەن قۇقىقتىق مارتەبەسىن ارتتىرۋ جونىندەگى تالاپتار كۇشەيتىلدى.
قازىرگى ۋاقىتتا ونەركاسىپ قاۋىپسىزدىگى بويىنشا جەكەلەگەن تالاپتار قايتا قارالىپ جاتىر. وسىلايشا, ازاماتتىق قورعاۋ تۋرالى زاڭ جوباسى شەڭبەرىندە اپاتتىق-قۇتقارۋ قىزمەتتەرىنە قويىلاتىن تالاپتار قاتاڭداتىلادى, وندىرىستىك باقىلاۋ ستاندارتتارى كۇشەيتىلۋدە, قاۋىپتى وندىرىستىك نىساندار يەلەرىنە جابدىقتاردى جاڭارتۋ جانە جاڭعىرتۋ بويىنشا جاڭا مىندەتتەر كوزدەلگەن.
سونىمەن قاتار ونەركاسىپتىك قاۋىپسىزدىك نىساندارى پاسپورتتارىن جاساۋعا, اپاتتاردى ەسەپكە الۋدى جانە باسقا دا ۇدەرىستەردى اۆتوماتتاندىرۋعا مۇمكىندىك بەرەتىن «ە-وقك» اقپاراتتىق جۇيەسىن ىسكە قوسۋ جوسپارلانىپ وتىر.
پرەمەر-مينيستر ونەركاسىپ قاۋىپسىزدىگى سالاسىنداعى باقىلاۋ تەتىگىنە ەرەكشە نازار اۋداردى. توتەنشە جاعدايلار مينيسترلىگى وقم جانە ەحاقم-مەن بىرلەسىپ, تەكسەرۋ قورىتىندىسى بويىنشا ونەركاسىپتىك نىساندار مەنشىك يەلەرى مەن باسشىلارىنىڭ قاۋىپسىز ەڭبەك جاعدايلارىن قامتاماسىز ەتۋ بويىنشا جاۋاپكەرشىلىگىن كۇشەيتۋ جونىندە ۇسىنىستار ەنگىزۋ تاپسىرىلدى.
ونەركاسىپ جانە قۇرىلىس مينيسترلىگى توتەنشە جاعدايلار, ەكولوگيا جانە تابيعي رەسۋرستار مينيسترلىكتەرىمەن بىرلەسىپ, ونەركاسىپ قاۋىپسىزدىگى شارالارىن ۋاقتىلى قارجىلاندىرۋ ءۇشىن جەر قويناۋىن پايدالانۋشىلاردىڭ تاۋ-كەن جۇمىستارىن تالداۋ جۇرگىزىپ, باقىلاۋعا الۋى قاجەت.
ونەركاسىپ جانە قۇرىلىس, توتەنشە جاعدايلار مينيسترلىكتەرى گازدار شىعارىندىلارىمەن بايلانىستى تاۋەكەلدەردى ازايتۋ ءۇشىن شاحتالاردى الدىن الا گازسىزداندىرۋ نورماتيۆتەرىن ازىرلەۋى قاجەت.
ءتسدياوم وتاندىق IT-ماماندارمەن بىرلەسىپ, ونەركاسىپ قاۋىپسىزدىگىن قامتاماسىز ەتۋ بويىنشا جاڭا شەشىمدەر ازىرلەۋ تاپسىرىلدى.
