«جايلى مەكتەپ» جوباسى جالعاسادى

بىلتىر سەمەي قالاسىندا 1 200 ورىندىق ءىت-مەكتەپ-لي­تسەيى سالىندى. بۇل شاھارداعى مە­ك­­تەپ­تەگى وقۋشى ورنى تاپشى­لى­­عىن ەداۋىر ازايتتى. جاڭا مەك­­­تەپ زاماناۋي تەحنولو­گيا­مەن جابدىقتالعان. ءۇش قا­بات­تى عي­­ماراتتا فيزيكا, حيميا, بيو­­­­لوگيا, ينفورماتيكا كابينەت­تەرى, مۋلتيمەديالىق سىنىپتار, گرافيكا جانە مودەلدەۋ كابينەتى, سونداي-اق زەرتحانالار, تەلەستۋديا, سمارت-سىنىپتار, 3D-پرينتەرلەر مەن روبوتتەحنيكا كابينەتتەرى جۇمىس ىستەيدى. سونداي-اق 280 ورىندىق ءماجىلىس زالى مەن 420 ورىندىق اسحانا بار.

جاڭا مەكتەپتە وقۋشىلار­دىڭ شىعارماشىلىق جانە ينتەل­لەكتۋالدىق قابىلەتىن دا­مى­تۋعا ىقپال ەتەتىن ورتا قۇرۋ­عا دا باسا نازار اۋدارىلعان. ەرەكشە ءبىلىم بەرۋ قاجەتتىلىگى بار بالالار ءۇشىن جەكە ساني­تار­لىق بولمەلەرى بار كەڭ كابي­نەتتەر قاراستىرىلعان. جەدەل­ساتىلار, پاندۋستار جانە ارنايى باعىتتاۋشى بەلگىلەر ورنا­تىلعان. ءار مەكتەپتە پسيحولوگ, لوگوپەد جانە دەفەكتولوگتەر قىزمەت ىستەيدى. بۇل ءبىلىم وردا­سىنىڭ باستى ەرەكشەلىگىنىڭ ءبىرى – جۇمساق جيھازدارمەن, كىتاپ­تارمەن, مۋزىكالىق اسپاپتارمەن جانە ۇستەل ويىندارىمەن جابدىقتالعان وقۋشىلار مەن وقىتۋشىلار ارنالعان دەمالىس ورنى بار. سونىمەن قاتار ءبىلىم مەكەمەسىندە بالالاردىڭ قاۋىپسىزدىگىن قاداعالايتىن زاماناۋي بەينەباقىلاۋ جۇيەسى ورناتىلعان.

«بۇعان دەيىن 4 ءبىلىم مەكەمەسى كۇردەلى جوندەۋدەن ءوتىپ, روبوت­تەحنيكا, حيميا, بيولوگيا, فيزيكا جانە «STEM» باعىتتاعى پان­دەر بويىنشا 56 زاماناۋي پان­دىك كابينەت جابدىقتالدى. پەداگوگ­تەردىڭ بىلىكتىلىگىن ارتتىرۋ دا ماڭىز­دى قادام. بۇگىنى كۇنى 5 300-دەن استام مۇعالىم تەگىن بىلىكتى­لىكتى ارتتىرۋ كۋرسىنان ءوتتى. قا­زىر­گى تاڭدا اباي وبلىسىندا ورتا ءبىلىم بەرۋ ۇيىمدارىنىڭ 38% اۋداندىق جانە اۋىلدىق مەك­­تەپ­تى قۇرايدى. ولاردىڭ 86-ى جاڭ­عىرتىلعان», دەدى وبلىس اكىمىنىڭ ورىنباسارى جاسۇلان سارسەباەۆ.

اباي وبلىسى