مەكتەپ اكىمشىلىگى اتالعان وقيعا بويىنشا تەكسەرۋ جۇرگىزىپ, بەينەباقىلاۋ كامەرالارىن قاراپ شىقتى. قاۋىپسىزدىك قىزمەتكەرىنىڭ قول كوتەرگەنى راستالىپ, ءبىلىم مەكەمەسىنە 102, 103 قىزمەتتەرى شاقىرىلعان.
– وقيعانىڭ ءمان-جايىن انىقتاۋ ءۇشىن مەكتەپكە پوليتسيا قىزمەتكەرلەرى مەن كۇزەت فيرماسىنىڭ وكىلدەرى كەلدى. پوليتسيا قىزمەتكەرلەرى تەرگەۋ جۇرگىزىپ جاتىر. بالالاردىڭ قاۋىپسىزدىگىن قامتاماسىز ەتۋ جونىندەگى باقىلاۋدى السىرەتىپ العان مەكتەپ باسشىسىنا تارتىپتىك شارا قولدانىلدى. كۇزەتشى قىزمەتتىك مىندەتتەرىن اتقارۋدان بوساتىلدى. ءبىلىم ۇياسىنىڭ بارلىق قىزمەتكەرىمەن وقۋشىلاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا قوسىمشا نۇسقاۋلىق وتكىزىلدى, – دەپ حابارلادى پاۆلودار قالاسىنىڭ ءبىلىم بەرۋ بولىمىنەن.
بۇعان قوسا ءبىلىم بەرۋ ءبولىمى مەكتەپ ديرەكتورلارىمەن ءبىلىم بەرۋ ۇيىمدارىندا قاۋىپسىزدىك شارالارىن ساقتاۋدىڭ قاجەتتىلىگى جانە وقۋشىلاردىڭ دەنساۋلىعى مەن ءومىرىنىڭ ساقتالۋىنا قاتىستى ءبىرىنشى باسشىلاردىڭ جاۋاپكەرشىلىگى تۋرالى شۇعىل جۇمىس كەڭەسىن وتكىزگەن.
