فوتو: اشىق دەرەككوز
دەپۋتات قاراتاۋ وڭىرىندە ورنالاسقان «اقبيكەش مۇناراسىنىڭ» وپىرىلىپ قۇلاۋىن تىلگە تيەك ەتىپ, تاريحي ەسكەرتكىشتەردى كۇتىپ-باپتاۋ ءىسىنىڭ ساپاسىزدىعىن سىنعا الدى. سونداي-اق ب. كەرىمبەك جەكەلەگەن ادامداردىڭ مۋزەيىنە قولداۋ كورسەتىلۋ كەرەكتىگىن اتاپ ءوتتى. وسى ءۇردىستى جاقسى ناتيجەگە جەتكىزگەن كورشى رەسەيدى مىسالعا الا وتىرىپ, مەملەكەتتىك ۇيىم تاراپىنان وسىعان قاتىستى جۇيەلى جۇمىس جۇرگىزۋ – زامان تالابى ەكەنىن جەتكىزدى.
بۇعان قوسا دەپۋتات بالالارعا ارنالعان عىلىمي-تەحنيكالىق مۋزەيدىڭ ماڭىزدىلىعىن اتاپ ءوتتى. وسى ورايدا ب. كەرىمبەك تومەندەگىدەي ۇسىنىستاردى جەتكىزدى:
- «اقبيكەش مۇناراسىن قايتا قالپىنا كەلتىرىپ, ەلىمىزدەگى بۇكىل تاريحي-مادەني ەسكەرتكىشتەردىڭ جاي-كۇيىنە تەكسەرۋ جۇرگىزۋ.
- بىلىكتى مامانداردىڭ قاتىسۋىمەن قازاقستان مۇراجايلارىنىڭ جاڭا كونتسەپتسياسىن ازىرلەپ, قولدانىسقا ەنگىزۋ.
- جەكە مۇراجايلار اشۋ ءتارتىبىن ناقتىلاپ, ەسەبىن جۇرگىزىپ, ولارعا مەملەكەتتىك قولداۋ كورسەتۋ تەتىكتەرىن تۇجىرىمداپ, ىسكە اسىرۋ.
- مۇراجايلار جانىندا بالالارعا ارنالعان عىلىمي-تەحنيكالىق ورتالىقتىڭ قارجىلاندىرۋ كوزىن جانە ورنالاساتىن جەرىن انىقتاۋ ماسەلەسىن پىسىقتاۋ.
- جەكە كوللەكتسياداعى جادىگەرلەردى ساتۋ, ولاردى شەكارادان شىعارۋ كەزىندە مەملەكەتكە ءبىرىنشى كەزەكتە ونى ساتىپ الۋ قۇقىعى بەرەتىن نورمالار مەن مەحانيزمدەردى زاڭعا ەنگىزۋ.
- ەلىمىزدەن شەت ەلدەرگە شىعارىلعان تاريحي-مادەني جادىگەرلەردى قايتارۋ بويىنشا جۇمىس جۇرگىزۋ جانە ءتىپتى ولاردى قايتارۋ مۇمكىن بولماعان جاعدايدا, ولار بويىنشا مالىمەتتەردى جيناقتاپ, ارنايى ورتاق رەەستر جاساۋ بويىنشا شارا قابىلداۋ.
