ساپار اياسىندا ەلشى اۋەجايدىڭ جاڭا حالىقارالىق تەرمينالىن ارالاپ, نىساننىڭ ينفراقۇرىلىمىن, سەرۆيس دەڭگەيى مەن ءوڭىردىڭ اۆياتسيالىق تورابىنىڭ دامۋىنا قوسقان ۇلەسىن جوعارى باعالادى. فرانتسيا مەن قازاقستان اراسىنداعى ىنتىماقتاستىق تابىستى سەرىكتەستىكتىڭ مىسالى ەكەنىنە توقتالعان ول, ەكىجاقتى بايلانىستاردى نىعايتۋدىڭ ماڭىزدىلىعىن اتاپ, قوس ەل ءتۇرلى سالالاردا ارىپتەستىكتى قارقىندى دامىتۋدى جالعاستىرىپ جاتقانىن ايتا كەتتى. ول قازاقستاننىڭ ينفراقۇرىلىمىنا, ونىڭ ىشىندە الماتى اۋەجايىن دامىتۋعا بەلسەندى ينۆەستيتسيا سالاتىن TAV توبى شەڭبەرىندە فرانتسيا مەن تۇركيانىڭ تابىستى ىنتىماقتاستىعىن مىسالعا كەلتىردى.
«فرانتسۋز ينۆەستيتسيالارى قازاقستان ەكونوميكاسىندا, اسىرەسە اۆياتسيا جانە تۋريزم سياقتى ستراتەگيالىق باعىتتاردا ماڭىزدى ءرول اتقارادى. الماتى اۋەجايىن حالىقارالىق حاب رەتىندە دامىتۋ ءوڭىردىڭ تۋريستىك تارتىمدىلىعىنىڭ ارتۋىنا عانا ەمەس, قازاقستان مەن الەمنىڭ قالعان بولىگى اراسىنداعى بايلانىستاردىڭ جاقسارۋىنا ىقپال ەتەدى», دەپ اتاپ ءوتتى سيلۆان گيوگە.
سونداي-اق, قازاقستان جاڭا حالىقارالىق تەرمينال سياقتى جوبالاردىڭ ارقاسىندا الەمدىك اۆياتسيالىق جەلىنىڭ ماڭىزدى بۋىنىنا اينالاتىنىن, بۇل ەلگە كەلەتىن تۋريستەر اعىنى مەن ينۆەستيتسيالاردىڭ كوبەيۋىنە ىقپال ەتەتىنىن اتاپ ءوتتى. ء«بىز الماتى اۋەجايىن جاڭعىرتۋ باستامالارىن قولدايمىز, بۇل ءوز كەزەگىندە ەكونوميكانىڭ وسۋىنە عانا ەمەس, ءتۋريزمدى, ساۋدانى جانە حالىقارالىق بايلانىستاردى دامىتۋعا جاڭا مۇمكىندىكتەر تۋعىزادى», دەپ تولىقتىردى فرانتسيا ەلشىسى.
كەزدەسۋ بارىسىندا الماتى اۋەجايى فرانتسۋزدىق كومپانيالاردىڭ TAV Airports ارقىلى اۋەجاي كاپيتالىنا جاناما قاتىسۋىن قوسا العاندا, قازاقستانعا سالىنعان فرانتسۋز ينۆەستيتسيالارىنىڭ اۋقىمدى ۇلەسىن قۇرايتىنى ايتىلدى.
«الماتى ورتالىق ازيانىڭ نەگىزگى حابى بولىپ تابىلادى, ال اۋەجاي ءوز كەزەگىندە ءوڭىردىڭ باستى اۋە قاقپاسىنىڭ ءرولىن اتقارادى. فرانتسيا ەلشىسىنىڭ ساپارى ءبىزدىڭ مەملەكەتتەر اراسىنداعى ينۆەستيتسيالار مەن ينفراقۇرىلىم سالاسىنداعى ىنتىماقتاستىقتىڭ جوعارى دەڭگەيىن كورسەتەدى», دەدى قر ءسىم وكىلى جانىبەك ءابدىراشوۆ.
اۋەجاي پرەزيدەنتى گوكەر كوسەنىڭ ايتۋىنشا, 2025 جىلى حالىقارالىق الماتى اۋەجايى ينفراقۇرىلىمدى كەڭەيتۋگە جانە قىزمەت كورسەتۋ ساپاسىن جاقسارتۋعا ينۆەستيتسيا سالۋدى جالعاستىرا وتىرىپ, 12 ميلليوننان استام جولاۋشىعا قىزمەت كورسەتۋدى جوسپارلاپ وتىر. جاقىن ارادا الماتىنىڭ حالىقارالىق اۆياتسيالىق حاب رەتىندەگى پوزيتسياسىن ودان ءارى نىعايتۋ جونىندەگى ستراتەگيالىق ماقساتتاردى كورسەتەتىن الداعى جىلدارعا ارنالعان اۋەجايدى دامىتۋ جونىندەگى جوسپار ۇسىنىلماق.
ء«بىزدىڭ جاڭا حالىقارالىق تەرمينال ورتالىق ازيادا «Excellence in Design for Greater Efficiencies (EDGE)» باعدارلاماسى بويىنشا سەرتيفيكاتتاۋعا يە بولعان العاشقى تەرمينال بولعانىن ماقتان تۇتامىز. بۇل جوعارى ەكولوگيالىق ستاندارت قانا ەمەس, سونىمەن قاتار اۋەجايدىڭ تۇراقتى دامۋىنا جاسالعان ماڭىزدى قادام. مۇنداي جوبالار الماتىنىڭ تۋريزم مەن حالىقارالىق اۋە تاسىمالىنىڭ نەگىزگى ورتالىعى رەتىندە ودان ءارى وركەندەۋىنە ىقپال ەتەتىنىنە سەنىمدىمىز», دەيدى گوكەر كوسە.
الماتى
