فوتو: freepik.com
پاۆلودار وبلىسى بويىنشا ەكونوميكالىق تەرگەپ-تەكسەرۋ دەپارتامەنتى ءوز ۇيىندە زاڭسىز ونلاين-كازينو ۇيىمداستىرعان ازاماتتىڭ ءىسىن سوت قاراۋىنا جونەلتتى. دەپارتامەنت باسشىسىنىڭ ورىنباسارى رينات ارعىنبەكوۆتىڭ ايتۋىنشا, قىلمىستىق ءىس قر قىلمىستىق كودەكسىنىڭ 307-بابى (زاڭسىز ويىن بيزنەسىن ۇيىمداستىرۋ) بويىنشا قوزعالعان.
«ەر ادامنىڭ ءۇيىن ءتىنتۋ بارىسىندا 37 مونيتور مەن 14 جۇيەلى بلوك, 45 ۇيالى تەلەفون, 7 نوۋتبۋك, اقشالاي 700 مىڭ تەڭگە جانە 5 مىڭ رەسەي ءرۋبلى, 2 فلەش-جيناقتاۋىش, 6 ديسكى, پوكەر ويىنىنا ارنالعان جيناق تابىلدى. زاڭسىز ونلاين-كازينونى دەپارتامەنت ماماندارى ينتەرنەت-پلاتفورماعا مونيتورينگ جۇرگىزۋ كەزىندە انىقتادى. ول ادامداردى جۇمىسقا قابىلداپ, تاۋلىك بويى جۇمىس ىستەگەن. ءاربىر سەگىز ساعات سايىن اۋىسىپ وتىرعان. الەۋەتتى كليەنتتەرىنە ونلاين پوكەر ويناۋدى ۇسىنىپ, ۇتىس اقشاسىن كارتاسىنا قابىلداپ كەلگەن», دەيدى رينات ارعىنبەكوۆ.
ەر ادامنىڭ زاڭسىز جولمەن تاپقان اقشاسى تاركىلەنىپ, ەكى جىلعا باس بوستاندىعىنان ايرىلۋى مۇمكىن.
پاۆلودار وبلىسى
