ۆەدومستۆو مالىمەتىنشە, قازىرگى ۋاقىتتا كقك تاراپىنان قازاقستاندىق مۇنايعا شەكتەۋلەر جوق, قابىلداۋ گرافيككە سايكەس جۇزەگە اسىرىلادى.
«كقك اقپاراتىنا سايكەس, «تەنگيز – نوۆوروسسيسك» ماگيسترالدىق مۇناي قۇبىرى 2025 جىلعى 17 اقپاندا ماسكەۋ ۋاقىتىمەن ساعات 02:50-دە «كروپوتكينسكايا» مۇناي ايداۋ ستانتسياسىنىڭ قاتىسۋىنسىز ترانزيتتىك رەجيمدە ىسكە قوسىلدى», دەلىنگەن حابارلامادا.
ايتا كەتەيىك, بۇعان دەيىن 17 اقپاندا كاسپي قۇبىر كونسورتسيۋمىنىڭ مۇناي تاسىمالداۋ نىسانى – «كروپوتكينسكايا» مۇناي ايداۋ ستانتسياسىنا ۇشقىشسىز ۇشۋ اپپاراتى شابۋىل جاساعان ەدى.
كومپانيا بۇل ارەكەتتى «تەرروريستىك شابۋىل» دەپ اتادى.
«شابۋىل جەتى ۇشقىشسىز ۇشۋ اپپاراتىمەن جاسالعان. ولار جارىلعىش زاتتاردان بولەك مەتالل زاقىمدايتىن ەلەمەنتتەرمەن تولتىرىلعان. شابۋىل اراسىنا ۋاقىت سالىپ جاسالدى. وسىلايشا نىساننىڭ جۇمىسىن توقتاتۋدى عانا ەمەس, ستانتسياداعى وپەراتسيالىق قىزمەتكەرلەرگە زيان تيگىزۋدى ماقسات ەتتى. مۇناي ايداۋ ستانتسياسىنىڭ قىزمەتكەرلەرى اراسىندا زارداپ شەككەندەر جوق. كونسورتسيۋم قىزمەتكەرلەرىنىڭ ۇيلەسىمدى ارەكەتىنىڭ ناتيجەسىندە مۇناي اعىپ كەتۋگە جول بەرىلمەدى», دەپ حابارلاعان ەدى كقك ءباسپاسوز قىزمەتى.
