- اسا جەڭىل سالماقتاعى ءالىبي ىدىرىس (10-0) 27 مامىردا ارالاس جەكپە-جەكتەن ۇيىمداستىرىلاتىن «The Ultimaite Fighter» (TUF) رەاليتي-شوۋىنىڭ 33-ماۋسىمىنا قاتىسادى. بۇل جارىستا كەلەشەكتە UFC-دە ونەر كورسەتەتىن ۇمىتكەرلەر انىقتالادى. الەمنىڭ ەڭ ۇزدىك پروموۋشەنىندە كۇش سىناسۋ قۇرمەتىنە يە بولۋ ءۇشىن قازاق فايتەرىنە مىندەتتى تۇردە جەڭىسكە جەتۋ قاجەت. الىبيدەن بولەك بۇل سالماقتا فۋركاتبەك يوكۋبوۆ (15-4, وزبەكستان), ارشيان مەمون (7-0, ءۇندىستان), ەدۋاردو «چاپولين» ەنريكە (13-2, برازيليا), يمانول رودريگەس (5-0, مەكسيكا), دجوزەف مورالەس (12-2, اقش), رويبەرت ەچەۆەرريا (10-2, ۆەنەسۋەلا), تۋمەلو مانيامالا (6-1, وار) سىندى مىقتى سپورتشىلار بار.
- تانىمال ارالاس جەكپە-جەك شەبەرى جالعاس جۇماعۇلوۆ (17-9, 9 كو) «Fight Nights Global» پروموۋشەنى 27 اقپاندا پاۆلوداردا ۇيىمداستىرعالى وتىرعان بوكسشىلاردىڭ باسەكەسىنە قاتىسادى. ول 32 جاستاعى اقش-تىڭ وكىلى دجاستين سكوگگينسپەن (15-7, 9 كو) جۇدىرىقتاسادى. كەزىندە بۇل سپورتشىلاردىڭ ەكەۋى دە UFC-دە ونەر كورسەتكەن.
- بۇل كۇندەرى فۋتبولدان ەلىمىزدىڭ ۇلتتىق قۇراماسى تۇركيانىڭ بەلەگىندە وقۋ-جاتتىعۋ جيىنىن وتكىزىپ جاتىر. جۋىردا عانا تاعايىندالعان باس باپكەردىڭ مىندەتىن اتقارۋشى ءالي اليەۆ جيىنعا مىنا ويىنشىلاردى شاقىرتتى: قاقپاشىلار – بەكحان شايزادا («ورداباسى»), دىنمۇحاممەد جومارت («جەڭىس»), نۇراسىل توقتاروۆ («اتىراۋ»); قورعاۋشىلار – ۇلار جاقسىباەۆ («ورداباسى»), ءادي ادامباەۆ, الماس تولەباي ( «ەلىماي»), دىنمۇحامەد قارامان («جەڭىس»), اسقار ساتىشەۆ («تۇران»), اماندىق ءنابىحانوۆ («اتىراۋ»); جارتىلاي قورعاۋشىلار – ابىلايحان نازىمحانوۆ («ەلىماي»), سەرىكجان مۇجىقوۆ, الەن ايمانوۆ («جەتىسۋ»), جاسۇلان جۇماشەۆ, ناۋرىزبەك جاگوروۆ, مەيرامبەك قالمىرزا, دانيار ۇسەنوۆ («توبىل»), راۆيل اتىحانوۆ («اتىراۋ»), داۆيد ەسىمبەكوۆ («چەرنومورەتس», رەسەي); شابۋىلشىلار – ايبار جاقسىلىقوۆ («قايسار»), ءاليار مۇحامەد («وقجەتپەس»), ورالحان ومىرتاەۆ, ايبار ابدوللا («اقتوبە»).
- جەڭىلىستەن ءبىر باس كوتەرمەي جۇرگەن «استانا» باسكەتبولشىلارى ۆتب ليگاسىنداعى كەزەكتى ويىنىن سىرت الاڭدا ماسكەۋدىڭ تسسكا-سىنا قارسى وتكىزدى. ماتچ 118:77 ەسەبىمەن الاڭ يەلەرىنىڭ پايداسىنا شەشىلدى. ءبىزدىڭ كوماندا ساپىندا دانيەل ۋتومي 13 ۇپاي جيدى. ءسويتىپ, بيىلعى ماۋسىمدا 32 كەزدەسۋ وتكىزگەن «استانا» سونىڭ بىرەۋىندە عانا جەڭىسكە جەتىپ, قالعان 31 باسەكەدە جەڭىلىس تاپتى.
- قحل-داعى «بارىستىڭ» جاعدايى دا ءماز ەمەس. تۇراقتى بىرىنشىلىكتە ولار ءالى 14 كەزدەسۋ وتكىزۋگە ءتيىس. كۇنى كەشە عالىم مامبەتاليەۆتىڭ شاكىرتتەرى سانكت-پەتەربۋرگتىڭ سكا-سىنان 2:5 ەسەبىمەن ۇتىلدى. وسى ساتسىزدىكتەن كەيىن جەرلەستەرىمىزدىڭ پلەي-وففقا شىعىپ, گاگارين كۋبوگى ءۇشىن تالاسا المايتىنى بەلگىلى بولدى.
- يۋليا پۋتينتسەۆا دۋبايدا شىمىلدىعى تۇرىلگەن WTA 100 ءتۋرنيرىنىڭ تۇساۋكەسەر كەزدەسۋىندە چەحيالىق ليندا نوسكوۆادان 2:6, 6:7 ەسەبىمەن ۇتىلدى. وسىدان بىرەر كۇن بۇرىن ول دوحاداعى دودادا ءدال وسى تەننيسشىگە ەسە جىبەرگەن ەدى. ەلەنا رىباكينا جارىستى ەكىنشى اينالىمنان باستايدى. ەلىمىزدىڭ ءبىرىنشى راكەتكاسى جاپونيالىق مويۋكا ۋچيجيما مەن لاتۆيالىق ەلەنا وستاپەنكو اراسىنداعى كەزدەسۋدىڭ جەڭىمپازىمەن شەبەرلىك بايقاسادى.
- ۋەفا ەۋروپانىڭ ەڭ ۇزدىك كلۋبتارىنىڭ رەيتينگىن جاريالادى. الدىڭعى لەكتە – «رەال مادريد» (يسپانيا), «مانچەستەر سيتي» ( ۇلىبريتانيا), «باۆاريا» (گەرمانيا), «ليۆەرپۋل» ( ۇلىبريتانيا), پسج (فرانتسيا), «ينتەر» (يتاليا), «روما» (يتاليا), «چەلسي» ( ۇلىبريتانيا), «بايەر» (گەرمانيا) سەكىلدى فۋتبول گراندتارى. ەلىمىزدىڭ كوماندالارى اراسىنان ەڭ ءتاۋىر ناتيجە «استانا» مەن «توبىلعا» تيەسىلى. ەلوردالىقتار 131, قوستانايلىقتار 183-ساتىعا تابان تىرەدى. وزگە وتاندىق كلۋبتار مىناداي ساتىلارعا جايعاستى: «قايرات» – 264, «ورداباسى» – 298, «اقتوبە» – 352, «شاحتيور» – 374, «قىزىلجار» – 387, «قايسار» – 388.
- 2024 جىلى ەڭ كوپ تابىس تاپقان سپورتشىلاردىڭ ءتىزىمى جاريالاندى. باي-قۋاتتىلاردىڭ كوشىن كريشتيانۋ رونالدۋ باستاپ تۇر. ساۋد ارابياسى چەمپيوناتىندا ء«ال-ناسردىڭ» نامىسىن قورعاپ جۇرگەن پروتۋگاليالىق جۇلدىز بىلتىر 260 ميلليون اقش دوللارىن يەلەندى. توپ-10-دىققا ستەفەن كارري (اقش, باسكەتبول, 153,8 ملن), تايسون فيۋري ( ۇلىبريتانيا, كاسىپقوي بوكس, 147 ملن), ليونەل مەسسي (ارگەنتينا, فۋتبول, 135 ملن), لەبرون دجەيمس (اقش, باسكەتبول, 133,2 ملن), نەيمار (برازيليا, فۋتبول, 133 ملن), الەكساندر ۋسيك (ۋكراينا, بوكس, 122 ملن), كاريم بەنزەما (فرانتسيا, فۋتبول, 116 ملن), كيليان مباپپە (فرانتسيا, فۋتبول, 110 ملن), دجون رام (يسپانيا, گولف, 105,8 ملن) سىندى ساڭلاقتار ەندى.
