فوتو: olympic.kz
الەم بىرىنشىلىگىندە مەدالدار جەكەلەي سىندا, ەرلەر مەن ايەلدەر اراسىنداعى جۇپتىق جارىسىندا, سونداي-اق ارالاس جۇپتار سايىسىندا ساراپقا سالىنادى.
جەكەلەي سىندا ەل نامىسىن كيريلل گەراسيمەنكو قورعايدى. وسى ساناتتا 128 تەننيسشى باق سىنايدى. ونىڭ 32-ءسى الەمدىك رەيتينگتە كوش باسىندا تۇرعان سپورتشىلار.
ال جۇپتىق سايىستا سارۆينوز ميركاديروۆا مەن زاۋرەش اكاشەۆانىڭ جولىنا ۇمىتپەن قارايمىز. وتانداستارىمىز ونەر كورسەتەتىن سايىس ساناتىندا 64 جۇپ تىركەلگەن.
ۇلتتىق وليمپيادا كوميتەتىنىڭ مالىمەتىنشە, ىرىكتەۋدەن وتكەن كەيبىر سپورتشىلار الەم چەمپيوناتىنا قاتىسۋدان باس تارتسا, وزگە ويىنشىلار دا بۇل جارىسقا قاتىسۋى مۇمكىن.
