وزبەكستان, ۋكراينا, ينديا, مولدوۆا, يران, قىرعىزستان, قىتاي, گرۋزيا مەملەكەتتەرىنەن كەلگەن سپورتشىلىرمەن كۇش سىناسقان نۇريسلام الدىنا جان سالمادى.
«ۋنيۆەرسيتەتىمىزدە ساپالى ءبىلىم الۋمەن قاتار, سپورتپەن اينالىسۋعا مۇمكىندىك جاسالعان. وتىزعا جۋىق ءتۇرلى ستۋدەنتتىك ۇيىرمە مەن كلۋبتار جۇمىس ىستەيدى. سونى ىشىندە قول كۇرەسى ۇيىرمەسىندە 40-قا جۋىق ءبىلىم الۋشى جاتتىعادى. قول كۇرەسىندە بىلەك, يىق, قولدىڭ بارلىق بۇلشىق ەتتەرىنە ارنالعان ارنايى جاتتىعۋلاردىڭ ماڭىزى زور. بۇل ورايدا قولدىڭ, بىلەكتىڭ كۇش-قۋاتىن ارتتىرۋ ءۇشىن كىر تاسىمەن, زىلتەمىرمەن, رەزەڭكەمەن كوپتەگەن جاتتىعۋلار جاسايمىن. راۋند نەمەسە كەزەڭ دەگەن بولمايتىن ارمرەستلينگ سپورتىندا بار كۇشىڭدى, بار ونەرىڭدى ساناۋلى سەكۋندتا كورسەتە ءبىلۋىڭ قاجەت. بىلەكتىڭ كۇشىنەن بولەك, جۇرەكتىڭ دە, اقىلدىڭ دا الار ورنى ەرەكشە. ساناۋلى سەكۋندتا تاسىلدەردى ءتيىمدى پايدالانۋ ءۇشىن ءبارىن ءبىر ساتتە ىسكە قوسۋىڭ كەرەك», دەيدى الەم كۋبوگىنىڭ يەگەرى.
ايتا كەتەيىك, ارمرەستلينگتەن الەم كۋبوگى جارىسىندا ەل نامىسىن قورعاعان شاردارالىق 48 سپورتشى دا التىن مەدال جەڭىپ الدى.
