اۋانىڭ ورتاشا تەمپەراتۋراسى نورمادان 1-2 گرادۋسقا جوعارى بولادى, بىراق قىسقامەرزىمدى سۋىق جانە ۇسىك بولۋى مۇمكىن. وتپەلى ماۋسىمدا اۋا رايى ادەتتە تۇراقسىز بولادى, سوندىقتان تەمپەراتۋرا كەنەتتەن قۇبىلىپ, اۋا رايى ءجيى توسىنسىي جاساۋى مۇمكىن.
تەمپەراتۋرالىق جاعدايلار
سينوپتيكتەر كوكتەمدە اۋا تەمپەراتۋراسى كۇرت قۇبىلۋى مۇمكىن ەكەنىن ەسكەرتەدى. كەي جەرلەردە قار جاۋادى, اسىرەسە سولتۇستىك وبلىستاردا, سونداي-اق اركتيكالىق اعىندار كەزىندە بوران بولىپ, كۇن كۇرت سۋىتادى. دەگەنمەن وڭتۇستىك اۋا اعىندارىنىڭ كۇشەيۋىمەن, اسىرەسە ءساۋىر جانە مامىر ايلارىندا تەمپەراتۋرا بىردەن جوعارىلاپ, ىسىپ كەتۋى مۇمكىن. وسىلايشا, 2024 جىلى ءساۋىر ايىنىڭ ورتاسىندا رەسپۋبليكانىڭ باسىم بولىگىندە تەرمومەتر +22...+30°س دەيىن كوتەرىلەدى.
جاۋىن-شاشىن بولجامى
2025 جىلدىڭ كوكتەمىندە وڭىرلەر بويىنشا جاۋىن-شاشىن اركەلكى بولادى:
ناۋرىز: جاۋىن-شاشىن رەسپۋبليكانىڭ باسىم بولىگىندە نورمادان جوعارى بولادى, ال وڭتۇستىك-باتىس وبلىستاردا (ماڭعىستاۋ, قىزىلوردا, تۇركىستان, جامبىل, اقتوبە جانە ۇلىتاۋ وبلىستارىندا) جاۋىن-شاشىن قالىپتى مقلشەردە بولادى.
ءساۋىر: قازاقستاننىڭ باسىم بولىگىندە جاۋىن-شاشىن قالىپتى مولشەردە بولادى. الايدا سولتۇستىك-باتىس وبلىستاردا (اقتوبە, قوستاناي, سولتۇستىك قازاقستان وبلىستارى, سونداي-اق باتىس قازاقستاننىڭ سولتۇستىك-شىعىسىندا جانە اقمولا وبلىسىنىڭ سولتۇستىك-باتىسىندا) جاۋىن-شاشىن نورمادان جوعارى بولادى.
مامىر: جاۋىن-شاشىن ەلدىڭ باسىم بولىگىندە قالىپتى شەكتە بولادى. بۇل رەتتە وڭتۇستىك-باتىس وبلىستاردا (ماڭعىستاۋ, ۇلىتاۋ, قاراعاندى, قىزىلوردا, اقتوبە, تۇركىستان, جامبىل, الماتى وبلىستارى) جاۋىن-شاشىن نورمادان از بولادى. بۇل رەتتە رەسپۋبليكانىڭ وڭتۇستىگىندە, وڭتۇستىك-شىعىس جانە شىعىسىنداعى تاۋلى اۋماقتاردا جانە تاۋ بوكتەرىندەگى ايماقتاردا جاۋىن-شاشىن نورمادان اسىپ تۇسەدى.
2025 جىلدىڭ كوكتەمى قازاقستاندا جىلى بولادى, بىراق مەزگىل-مەزگىل سۋىق بولادى. قار جاۋىپ, اياز بولۋى مۇمكىن, سونداي-اق ىستىق اۋا رايى ەرتە باستالۋى مۇمكىن. جاۋىن-شاشىن اركەلكى تارالادى: سولتۇستىك وبلىستاردا ىلعال كوبىرەك, وڭتۇستىك جانە ورتالىق ايماقتاردا از بولادى. ەل تۇرعىندارى اۋا رايىنىڭ كۇرت وزگەرۋىنە دايىن بولىپ, اۋا رايى بولجامىن ەسكەرە وتىرىپ, ءوز تىرلىگىن الدىن الا جوسپارلاۋى كەرەك.
