قازاقستاندا قوس ازاماتتىققا زاڭ جۇزىندە تىيىم سالىنعان. 2024 جىلدىڭ قورىتىندىسى بويىنشا ەرتىس-بايان وڭىرىندە 1387 ادامعا قاتىستى قر ازاماتتىعىنان ايىرۋ تىركەلگەن. ونىڭ 1362-ءسى وزگە مەملەكەتتىڭ ازاماتتىعىن قابىلداعانىن دەربەس تۇردە حابارلاعان. الايدا كەيبىر ادامدار وزدەرىنىڭ باسقا ەلدىڭ ازاماتى ەكەنىن جاسىراتىن نەمەسە ۋاقىتىندا حابارلامايتىن جايتتار كەزىگىپ وتىر.
«مىسالى, پوليتسەيلەر كورشى مەملەكەتتىڭ ازاماتتىعى بار 54 جاستاعى قازاقستان رەسپۋبليكاسىنىڭ ازاماتىن انىقتادى. ماتەريال سوتتا قارالىپ, ونىڭ شەشىمى بويىنشا جەلەزين اۋدانىنىڭ تۇرعىنى ەلدەن شىعارىلدى. سوت ازاماتتىڭ قازاقستان اۋماعىنا كىرۋىنە بەس جىلعا تىيىم سالدى», دەپ حابارلادى پاۆلودار وبلىسىنىڭ پوليتسيا دەپارتامەنتىنەن.
تاعى ءبىر جاعدايدا ەر ادام اقش ازاماتتىعىن قابىلداپ, ول تۋرالى ءتيىستى ورگاندارعا حابارلاماعان. سوت ەر ادامدى كىنالى دەپ تانىپ, شامامەن 800 مىڭ تەڭگە سوماعا اكىمشىلىك ايىپپۇل سالدى.
