فوتو: وكق
ر.زۇلحايروۆتىڭ ايتۋىنشا پوليتسيا پروفيلاكتيكالىق اڭگىمەلەسۋدەن باستاپ قىلمىستىق جاۋاپكەرشىلىككە تارتۋعا دەيىن بارلىق الدىن الۋ شارالارىنىڭ كەشەنىن قابىلدايدى. الايدا, ستاتيستيكا كورسەتكەندەي, جىل سايىن پوليتسياعا تۇرمىستىق زورلىق-زومبىلىق تۋرالى شامامەن 100 مىڭنان استام حابارلاما كەلىپ تۇسەدى ەكەن.
ەسكە سالايىق, ايەلدەر مەن بالالارعا قاتىستى زورلىق-زومبىلىق ءۇشىن جاۋاپكەرشىلىكتى كۇشەيتىپ, جاعدايدى تۇزەۋ ءۇشىن بىلتىر مەملەكەت باسشىسى ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى جونىندەگى زاڭعا قول قويعانى ءمالىم.
«2024 جىلدىڭ قورىتىندىسى بويىنشا ەل بويىنشا ۇرىپ-سوعۋ جانە دەنساۋلىققا جەڭىل زيان كەلتىرگەنى ءۇشىن 7 مىڭعا جۋىق قىلمىستىق ءىس تىركەلدى, بۇعان دەيىن اتالعان ارەكەتتەرگە بارعاندار اكىمشىلىك جاۋاپكەرشىلىككە عانا تارتىلعانى ءمالىم. ءبىز نەعۇرلىم اۋىر تۇرمىستىق قىلمىستاردى 2,2%-عا, ونىڭ ىشىندە كىسى ءولتىرۋدى 6,4%-عا, دەنساۋلىققا اۋىر زيان كەلتىرۋدى 25,5%-عا جانە دەنساۋلىققا ورتاشا اۋىر زيان كەلتىرۋدى 12%-عا تومەندەتۋگە قول جەتكىزدىك», دەدى سپيكەر.
ءىىم ەلىمىزدە ايەلدەر مەن بالالارعا قاتىستى زورلىق-زومبىلىق ءۇشىن جاۋاپكەرشىلىك كۇشەيتىلگەنىن ەسكە سالدى. اتاپ ايتقاندا:
- كامەلەتكە تولماعانعا قاتىستى زورلىق - زومبىلىققا بايلانىستى قىلمىستار بويىنشا تاتۋلاسۋ مۇمكىندىگى الىنىپ تاستالدى;
- جاس ادامدى زورلاعانى ءۇشىن ءومىر بويىنا باس بوستاندىعىنان ايىرۋ قاراستىرىلعان;
- ۇرلاۋ جانە زاڭسىز باس بوستاندىعىنان ايىرۋ ءۇشىن جاۋاپكەرشىلىك كۇشەيتىلدى;
- 16 جاسقا تولماعان ادامدارعا جىنىستىق سيپاتتاعى قاتەلىك جاساعانى ءۇشىن قىلمىستىق جاۋاپكەرشىلىك ەنگىزىلدى;
- دەنساۋلىققا قاساقانا جەڭىل زيان كەلتىرىپ جانە ۇرىپ-سوققانى ءۇشىن قىلمىستىق جاۋاپكەرشىلىككە تارتىلادى.
