فوتو: وقۋ-اعارتۋ مينيسترلىگى
اۆتوماتتاندىرۋ جۇيەسىندە ۋاقىتقا قاراي شامنىڭ جانىپ-ءسونۋىن رەتتەيتىن ينتەللەكتۋالدى جارىق سەنسورلارى, سونداي-اق دامىعان قاۋىپسىزدىك جۇيەسى قاراستىرىلعان. مۇندا قوزعالىس PIR-داتچيكتەرى, گاز جانە ءتۇتىن سەنسورلارى بار, ولار ىقتيمال توتەنشە جاعدايلاردىڭ الدىن الادى. ال تەمپەراتۋرانى ولشەيتىن جانە ىلعالدىق سەنسورلارى جەلدەتۋ مەن جىلىتۋ جۇيەسىنىڭ جۇمىسىن اۆتوماتتى تۇردە رەتتەپ, جايلى ميكروكليماتتى قامتاماسىز ەتەدى.
«اقىلدى ءۇيدىڭ» بارلىق فۋنكتسيالارىن Bluetooth جانە Wi-Fi ارقىلى سمارتفوننان قاشىقتان باسقارۋعا بولادى. قاۋىپ تونگەن جاعدايدا, ماسەلەن, گاز نەمەسە ءتۇتىن شىققان كەزدە جۇيە دەرەۋ حابارلاما جىبەرەدى, ال زۋممەرلەر مەن LCD-ديسپلەيلەر قاۋىپ تۋرالى ەسكەرتەدى.
ء«بىزدىڭ جوبامىز زاماناۋي تەحنولوگيالاردىڭ باسپانانى قالاي جايلى ءارى قاۋىپسىز ەتەتىنىن كورسەتەدى. مىسالى, گازدىڭ شىعۋىن جۇيە بىردەن انىقتاپ, يەسىنە حابارلاما جىبەرەدى», دەيدى كوللەدج ستۋدەنتى عابباس بايازيتوۆ.
جۇيەنىڭ بارلىق ەلەمەنتتەرىن ستۋدەنتتەر وزدەرى قۇراستىرىپ, باعدارلاماسىن جاساعان. «اقىلدى ءۇيدى» باسقارۋعا ارنالعان ءموبيلدى قوسىمشا Play Market پەن App Store قوسىمشالارىندا قولجەتىمدى. بۇل جوبا وسىنداي تەحنولوگيالاردى تۇرعىن ۇيلەرگە قويۋدىڭ ناقتى پەرسپەكتيۆالارىن كورسەتىپ, ولاردىڭ ەنەرگيا تيىمدىلىگى مەن قاۋىپسىزدىك دەڭگەيىن ارتتىرادى.
