ناۋرىزدا بىردەن ەكى مەملەكەتتىك مەرەكە اتاپ وتىلەدى: حالىقارالىق ايەلدەر كۇنى (8 ناۋرىز) جانە ناۋرىز مەرەكەسى (21-23 ناۋرىز). دەمالىس كۇندەرىنىڭ شەگەرىلۋىنە بايلانىستى ەل ازاماتتارى قوسىمشا دەمالىس كۇندەرىن الادى.
ناتيجەسىندە 2025 جىلدىڭ ناۋرىز ايىندا اپتاسىنا بەس كۇن جۇمىس ىستەيتىندەر 14 كۇن, التى كۇن جۇمىس ىستەيتىندەر 10 كۇن دەمالادى.
حالىقارالىق ايەلدەر كۇنى (8 ناۋرىز) سەنبىگە سايكەس كەلگەندىكتەن, دەمالىس كۇنى 10 ناۋرىز دۇيسەنبىگە اۋىستىرىلدى.
- اپتاسىنا بەس كۇن جۇمىس ىستەيتىندەر ءۇشىن 8, 9 جانە 10 ناۋرىز دەمالىس;
- اپتاسىنا التى كۇن جۇمىس ىستەيتىندەر ءۇشىن 8 جانە 9 ناۋرىز دەمالىس كۇندەرى, 10 ناۋرىز جۇمىس كۇنى بولادى.
ناۋرىز مەيرامى – جىلدىڭ باستى مەرەكەلەرىنىڭ ءبىرى. 2025 جىلى مەرەكەلەر جۇما, سەنبى جانە جەكسەنبى كۇندەرىنە تۋرا كەلەدى, سوندىقتان دەمالىس كۇندەرى 24 جانە 25 ناۋرىزعا (دۇيسەنبى جانە سەيسەنبى) اۋىستىرىلادى.
- اپتاسىنا بەس كۇن جۇمىس ىستەيتىندەر 21 ناۋرىزدان 25 ناۋرىزدى قوسا العاندا – بەس كۇن قاتارىنان دەمالادى;
- اپتاسىنا التى كۇن جۇمىس ىستەيتىندەر 21, 22, 23 جانە 24 ناۋرىز دەمالادى, 25 ناۋرىز جۇمىس كۇنى بولىپ بەكىتىلدى.
