تسيپەروۆيچ سيقىرى

1979 جىلى الدەنەدەن ۋلانعان 26 جاستاعى جىگىت 60 مينۋتتىق كليني­كا­لىق ءولىمدى باستان وتكەر­گەن. ايتۋعا جەڭىل بول­عا­نىمەن, ءبىر ساعات بويى تىرشىلىك نىشانى بول­ما­عان جاننىڭ قايتا ءتىرىلۋى – مەديتسينانىڭ قاعي­دا­لا­رىنا قايشى قۇبىلىس. سەبەبى عالىمدار جۇرەك توقتاعاننان كەيىن ساناۋلى مينۋت ىشىندە مي جاسۋ­شالارى ولە باستايدى دەيدى. الايدا بۇل وقيعا سول قا­لىپتاسقان ۇعىمدى جوققا شىعارعان.

ولىمنەن كەيىن قايتا تىرىلگەن ياكوۆتىڭ ءومىرى تۇبەگەيلى وزگەردى. ەڭ اۋەلى, ول ۇيقىدان مۇل­دە ايىرىلدى. تەك ۇيىق­تاي الماۋ عانا ەمەس, ءتىپتى جاتۋ مۇمكىن ەمەس ەدى. دەنەسىن توسەككە تيگىزگەن ساتتە بەلگىسىز كۇش ونى قايتا كوتەرىپ جىبەرەتىندەي اسەر قال­دىراتىن. تىلسىم جايت تۋرا 16 جىل بويى جال­عاستى. كەيىننەن, 1995 جىلى مەديتاتسيا مەن يوگانى سەرىك ەتىپ, بەلگىلى ءبىر دەڭگەيدە دەنەسىن باسقارا الاتىن حالگە جەتتى. دەسە دە, بۇل دا تو­لىققاندى ۇيقى ەمەس ەدى – كۇنىنە بار-جوعى 2-3 ساعاتتاي عانا تىنىعاتىن. تسيپەروۆيچتىڭ تاعى ءبىر ەرەكشەلىگى – ونىڭ دەنە قىزۋى ەشقاشان 34°C-تان جوعارى كوتەرىلمەيتىن. عا­لىمدار مۇنى قارتايۋ ۇدەرىسىنىڭ تەجەلۋى دەپ بولجادى. بۇگىندە ول 72 جاستا, بىراق بولمىسى 30 جاستاعى ادامداي.

وسى ۋاقىتقا دەيىن قىزىق قۇبىلىستىڭ اقي­قاتى اشىلعان جوق. نەمىس ءھام ورىس مەديتسيناسى مۇنداي فەنومەنگە ناقتى تۇسىنىكتەمە بەرە الماي وتىر.