قازاقستان رەسپۋبليكاسىنىڭ اكىمشىلىك اۋماقتىق-قۇرىلىسى تۋرالى 1993 جىلعى 8 جەلتوقسانداعى قر زاڭىنىڭ 11 بابىنىڭ 2 تارماقشاسىنا سايكەس تۇركىستان وبلىسى تۇركىستان مەن كەنتاۋ قالالارىنىڭ شەكارالارى وزگەرەدى. تۇركىستان اۋدانىنان 12 اۋىلدىق وكرۋگ كەنتاۋ قالاسىنىڭ اۋماعىنا وتەدى. وسىعان سايكەس, كەنشىلەر قالاسىنىڭ اۋماعى 721745 گەكتارعا ۇلعايماق.
جوبا بويىنشا كەنتاۋ قالاسى اۋماعىنا تۇركىستاننىڭ 12 اۋىلى كىرگەن. ياعني, شاعا, جاڭا يقان, ەسكى يقان, ۇشايىق, ياسسى, وراڭعاي, قاراشىق, جۇينەك, بابايقورعان, شورناق, جىبەك جولى, مايدانتال اۋىلدىق وكرۋگتەرىنىڭ جانە اششىساي اۋىلى ايماعىنىڭ اينالاسىندا بوس جاتقان جەر كەندى قالانىڭ شەكاراسىنا كىرمەك.
اتالعان شەشىم الداعى وبلىس ءماسليحاتىنىڭ سەسسياسىندا بەكىتىلسە, وندا قۇجات اۋماقتىق ادىلەت ورگانىندا مەملەكەتتىك تىركەۋدەن وتۋگە ءتيىس.
