سوتتالۋشىلار الەۋمەتتىك جەلىدە جاعىمسىز ماتەريالداردى جاريالايمىن دەپ قورقىتىپ, ساۋدا سالاسىندا «تەكسەرۋ» جۇرگىزەمىن دەپ, جاۋاپكەرشىلىگى شەكتەۋلى سەرىكتەستىكتەردىڭ ءبىرىنىڭ ديرەكتورىنان اقشا بوپسالاعانى انىقتالدى. بوپسالاۋشىلار ايىنا 200 000 تەڭگە جىبەرۋدى تالاپ ەتكەن. ابىرويى ءۇشىن الاڭداعان كاسىپكەر تالاپ ەتىلگەن قاراجاتتى تولەۋگە كەلىسىپ, بەس ايدىڭ ىشىندە قىلمىسكەرلەرگە 1 000 000 تەڭگە اۋدارعان.
بوپسالاۋشىلار مۇنىمەن توقتاماي, باسقا كومپانيا باسشىسىنان تاعى 50 ملن تەڭگە الماق بولعان, بىراق سوتتالۋشىلاردىڭ ءبىرى قاراجاتتىڭ ءبىر بولىگىن بەرۋ كەزىندە ۇستالعان.
پروكۋرور ەكى ايىپتالۋشىنى دا 7 جىلعا باس بوستاندىعىنان ايىرۋدى سۇراسا, قورعاۋ جاعى جازانى جەڭىلدەتۋدى جانە ولاردىڭ ارەكەتىن «وزبىرلىق» دەپ باعالاۋدى تالاپ ەتتى.
سوت ەر ادامداردىڭ بۇرىن سوتتى بولماعانىن جانە ولاردىڭ ءبىرىنىڭ كىشكەنتاي بالاسى بارىن ەسكەرىپ, ارقايسىسىن 7 جىلدان باس بوستاندىعىنان ايىردى. سونىمەن قاتار, سوتتالعانداردان زارداپ شەككەن جشس پايداسىنا 1 ملن تەڭگە ءوندىرىپ بەرۋ تۋرالى قاۋلى شىعارىلدى.
ۇكىم ءالى زاڭدى كۇشىنە ەنگەن جوق, بىراق بوپسالاۋ قۇرباندارى وتەماقى الادى.
