فوتو: پاۆلودار وبلىسىنىڭ اۋىل شارۋاشىلىعى باسقارماسى (ارحيۆ)
بىلتىر وبلىستىق پروكۋراتۋرا 2020-2023 جىلدارى اگروونەركاسىپتىك كەشەن سالاسىنداعى مەملەكەتتىك باعدارلامالاردى ىسكە اسىرۋعا بولىنگەن بيۋدجەت قاراجاتىنا تەكسەرۋ جۇرگىزگەن. تەكسەرۋ ناتيجەلەرى سۋبسيديالانعان ءىرى قارا مال شىن مانىندە شارۋالاردىڭ قولىندا بولماعانىن كورسەتتى. فەرمەرلەر سۋبسيديانى زاڭسىز الىپ كەلگەن.
«تەكسەرۋ قورىتىندىسى بويىنشا 30 تاۋار وندىرۋشىگە ساقتالماعان مال باسى ءۇشىن تولەنگەن سۋبسيديالاردى قايتارۋ تۋرالى حابارلاما جىبەرىلدى. زاڭسىز تولەنگەن سۋبسيديالاردىڭ جالپى سوماسى - 406 941 855 تەڭگە. ال بيىلعى 1 قاڭتارداعى جاعداي بويىنشا 16 تاۋار ءوندىرۋشى جالپى سوماسى 52,9 ملن تەڭگەدەن استام سۋبسيديانى مەملەكەتكە قايتاردى. قالعان قاراجاتتى جىل سوڭىنا دەيىن وتەۋ جوسپارلانعان», دەپ حابارلادى وڭىرلىك اۋىل شارۋاشىلىعى باسقارماسىنىڭ باسشىسى دارحان دوششانوۆ.
پاۆلودار وبلىسى
